அறிமுக வீரர்களுடன் இங்கிலாந்து தொடரை எதிர்கொள்ளும் நியூசிலாந்து!

இங்கிலாந்து அணிக்கெதிரான டெஸ்ட் தொடருக்கான நியூசிலாந்து அணி இன்று அறிவிக்கப்பட்டது.

Ravindra, Duffy in New Zealand Test squad (Image Source: Google)

வருகிற ஜூன் மாதம் நியூசிலாந்து அணி இங்கிலாந்து சுற்றுப்பயணம் மேற்கொண்டு இரண்டு போட்டிகள் கொண்ட டெஸ்ட் தொடரில் விளையாடவுள்ளது. இத்தொடரின் முதல் டெஸ்ட் போட்டி ஜூன் 2ஆம் தேதி முதல் 6ஆம் தேதி வரை லண்டனிலும், இரண்டாவது டெஸ்ட் போட்டி ஜூன் 10 முதல் 14 வரை பர்மிங்ஹாமிலும் நடைபெறவுள்ளது. 

இந்நிலையில் இத்தொடருக்கான 20 பேர் அடங்கிய நியூசிலாந்து அணியை அந்நாட்டு கிரிக்கெட் வாரியம் இன்று அறிவித்துள்ளது. 

கேன் வில்லியம்சன் தலைமையிலான இந்த அணியில் அறிமுக வீரர்களாக ஆல்ரவுண்டர் ராச்சின் ரவீந்திரா மற்றும் வேகப்பந்து வீச்சாளர் ஜேக்கப் டஃபி ஆகியோருக்கு வாய்ப்பு வழங்கப்பட்டுள்ளது. 

இருப்பினும் ஐபிஎல் தொடர் மே 30ஆம் தேதி வரை நடைபெறவுள்ளதால், ஐபிஎல் தொடரின் கடைசி சில போட்டிகளில் கேன் வில்லியம்சன், ட்ரெண்ட் போல்ட், கெய்ல் ஜேமீசன், மிட்செல் சாண்ட்னர், ஆகியோர் பங்கேற்கமாட்டார்கள் என்பது உறுதியாகியுள்ளது. 

நியூசிலாந்து அணி: கேன் வில்லியம்சன் (கேப்டன்), டாம் பிளண்டெல், ட்ரெண்ட் போல்ட், டக் பிரேஸ்வெல், தேவன் கான்வே, காலின் டி கிராண்ட்ஹோம், ஜேக்கப் டஃபி, மாட் ஹென்றி, கெய்ல் ஜேமீசன், டாம் லாதம், டேரில் மிட்செல், ஹென்றி நிக்கோல்ஸ், அஜாஸ் படேல், ரச்சின் ரவீந்திரா, மிட்செல் சாண்ட்னர், டிம் சவுதி, ரோஸ் டெய்லர், நீல் வாக்னர், பி.ஜே.வாட்லிங், வில் யங்.

Win Big, Make Your Cricket Tales Now