ஐபிஎல் 2024: ராயல் சேலஞ்சர்ஸ் பெங்களூரு vs டெல்லி கேப்பிட்டல்ஸ் - உத்தேச லெவன்!
ராயல் சேலஞ்சர்ஸ் பெங்களூரு - டெல்லி கேப்பிட்டல்ஸ் அணிகள் இன்று மோதவுள்ள நிலையில் இரு அணிகளின் கணிக்கப்பட்ட பிளேயிங் லெவன் குறித்து இப்பதிவில் பார்ப்போம்.
இந்தியாவில் தொடங்கி நடைபெற்று வந்த ஐபிஎல் தொடரின் 17ஆவது சீசன் இறுதிக்கட்டத்தை எட்டியுள்ளது. இத்தொடரில் இன்று நடைபெறும் 62ஆவது லீக் போட்டியில் ஃபாஃப் டூ பிளெசிஸ் தலைமையிலான ராயல் சேலஞ்சர்ச் பெங்களூரு அணியை எதிர்த்து ரிஷப் பந்த் தலைமையிலான டெல்லி கேப்பிட்டல்ஸ் அணியும் பலப்பரீட்சை நடத்தவுள்ளது. இதில் டெல்லி கேப்பிட்டல்ஸ் அணி விளையாடிய 12 போட்டிகளில் 6 வெற்றி, 6 தோல்வி என 12 புள்ளிகளுடன் பட்டியலின் 5ஆம் இடத்திலும், ஆர்சிபி அணி 12 போட்டிகளில் 5 வெற்றி மற்றும் 7 தோல்விகள் என 7ஆம் இடத்திலும் உள்ளன. இதனால் இப்போட்டியில் வெற்றிபெறும் அணி புள்ளிப்பட்டியலில் முன்னேற்றம் அடைவதுடன் பிளே ஆஃப் வாய்ப்பையும் பிரகாசப்படுத்தும் என்பதால் இப்போட்டியின் மீதான எதிர்பார்ப்புகள் அதிகரித்துள்ளது. இந்நிலையில் இப்போட்டியின் கணிக்கப்பட்ட பிளேயிங் லெவன் குறித்து இப்பதிவில் காண்போம்.
ராயல் சேலஞ்சர்ஸ் பெங்களூரு
Trending
ஃபாஃப் டூ பிளெசிஸ் தலைமையிலான ராயல் சேலஞ்சர்ஸ் பெங்களூரு அணி இந்த சீசனில் விளையாடிய 12 ஆட்டங்களில் 5 வெற்றி, 7 தோல்விகளுடன் 10 புள்ளிகள் பெற்று பட்டியலில் 7ஆவது இடத்தில் உள்ளது. பிளே ஆஃப் சுற்றுக்கு முன்னேறுவதற்கான வாய்ப்பை பெற வேண்டுமானால் அந்த அணி எஞ்சியுள்ள இரு ஆட்டங்களிலும் கட்டாயம் வெற்றி பெற வேண்டும். இதனால் அந்த அணி வெற்றிக்காக கடுமையாக போராடும் என்ற எதிர்பார்ப்புகளும் அதிகரித்துள்ளன.
ஆர்சிபி அணியின் பேட்டிங்கில் விராட் கோலி, ஃபாஃப் டூ பிளெசிஸ், வில் ஜேக்ஸ், ராஜத் பட்டிதார், தினேஷ் கார்த்திக், கேமரூன் க்ரீன் போன்ற வீரர்கள் தங்கள் ஃபார்மில் இருப்பது அணிக்கு பெரும் பலமாக பார்க்கப்படுகிறது. பந்துவீச்சைப் பொறுத்தமட்டில் முகமது சிராஜ், யாஷ் தயாள், லோக்கி ஃபெர்குசன் ஆகியோருடன் சுழற்பந்துவீச்சாளர் கரண் சர்மா மற்றும் ஸ்வப்நில் சிங்கும் சிறப்பாக செயல்பட்டு வருவது அணிக்கு சாதகமாக இருந்துள்ளது.
ராயல் சேலஞ்சர்ஸ் பெங்களூரு உத்தேச லெவன்: விராட் கோலி, ஃபாஃப் டு பிளெசிஸ் (கே), வில் ஜாக்ஸ், ரஜத் படிதார், மஹிபால் லோம்ரோர், கேமரூன் கிரீன், தினேஷ் கார்த்திக், ஸ்வப்னில் சிங், கர்ண் சர்மா, முகமது சிராஜ், லாக்கி பெர்குசன்.
டெல்லி கேப்பிட்டல்ஸ்
ரிஷப் பந்த் தலைமயிலான டெல்லி கேப்பிட்டல்ஸ் அணியானது இந்த சீசனில் 12 ஆட்டங்களில் விளையாடி 6 வெற்றி, 6 தோல்விகளுடன் 12 புள்ளிகள் பெற்று பட்டியலில் 5ஆவது இடத்தில் உள்ளது. பிளே ஆஃப் சுற்றுக்கு முன்னேற வேண்டுமானால் எஞ்சிய இரு ஆட்டங்களிலும் வெற்றி பெற வேண்டும் என்ற நெருக்கடியில் உள்ளது. இந்நிலையில் ரிஷப் பந்த் இந்த போட்டியில் தடை காரணமாக விளையாடாதது அணிக்கு பெரும் பின்னடைவை ஏற்படுத்தியுள்ளது.
ஏனெனில் நடப்பு சீசனில் ரிஷப் பந்து அபாரமான ஃபார்மில் இருக்கும் நிலை அவர் பங்கேற்காதது அணிக்கு பெரும் பின்னடைவை ஏற்படுத்தும் என்று கணிக்கப்படுகிறது. இதன் காரணமாக அக்ஸர் படேல் அணியை வழிநடத்தவுள்ளார். அணியின் பேட்டிங்கில் ஜேக் ஃபிரேசர் மெக்குர்க், அபிஷேக் போரால், டிரிஸ்டன் ஸ்டப்ஸ் ஆகியோரையும், பந்துவீச்சில் குல்தீப் யாதவ், அக்ஸர் படேல், முகேஷ் குமார் ஆகியோரையும் டெல்லி அணி சார்ந்துள்ளதும் குறிப்பிடத்தக்கது.
டெல்லி கேப்பிட்டல்ஸ் உத்தேச லெவன்: ஜேக் ஃபிரேசர்-மெக்குர்க், பிரித்வி ஷா, அபிஷேக் போரல், ஷாய் ஹோப், டிரிஸ்டன் ஸ்டப்ஸ், குல்பதின் நைப், அக்ஸர் படேல் (கே), குல்தீப் யாதவ், முகேஷ் குமார், இஷாந்த் சர்மா, கலீல் அகமது
Win Big, Make Your Cricket Tales Now
