புற்றுநோயால் டேவிட் மில்லரின் மகள் மரணம்; சோகத்தில் மூழ்கிய ரசிகர்கள்!
பிரபல தென் ஆப்பிரிக்கா கிரிக்கெட் வீரர் டேவிட் மில்லரின் மகள் புற்றுநோயால் மரணமடைந்த சம்பவம் கிரிக்கெட் ரசிகர்களை அதிர்ச்சியடைய செய்துள்ளது.
மேலும் தற்போது டி20 உலகக்கோப்பை தொடர் நெருங்கி வருவதால் அந்த அணியின் மிக முக்கிய வீரராகவும் மில்லர் பார்க்கப்படுகிறார். அதன்படி தற்போது இந்தியாவில் சுற்றுப்பயணம் செய்துவரும் தென் ஆப்பிரிக்க அணியின் தூணாகவும் மில்லர் செயல்பட்டு வருகிறார்.
Trending
இந்நிலையில் தனது மகள் புற்றுநோயால் மரணமடைந்ததாக தனது சமூக வலைதளப்பக்கத்தில் மில்லர் தெரிவித்துள்ளார். இந்தியாவுக்கு எதிரான 20 ஓவர் தொடர் மற்றும் ஒருநாள் போட்டிகளில் கலந்து கொண்டுள்ள டேவிட் மில்லர் இந்த துயர செய்தியை தனது இன்ஸ்டாகிராம் பக்கத்தில் பகிர்ந்துள்ளார்.
தென் ஆப்பிரிக்க கிரிக்கெட் நட்சத்திரம் டேவிட் மில்லர் இந்தியாவுக்கு எதிரான இரண்டாவது ஒருநாள் போட்டிக்காக ஜார்க்கண்ட் மாநிலம் ராஞ்சி சென்றுள்ளார். தனது மகளின் ஒரு காணொளியைப் பகிர்ந்து மகள் பற்றி மிகவும் வேதனையான மரணச் செய்தியை எழுதியுள்ளார்.
அவரது பதிவில், " "ரிப் மை டியர் இளவரசி, உன் மீதான அன்பு எப்போதும் இருக்கும்!. உன்னை மிகவும் மிஸ் செய்யப் போகிறேன் மை ஸ்கட்! நான் அறிந்ததிலேயே பெரிய இதயம் நீ. நீ எப்போதும் நம்பமுடியாத அளவிற்கு நேர்மறையாகவும் உன் முகத்தில் புன்னகையுடனும் சண்டையை வேறு நிலைக்கு கொண்டு செல்வாய். உனக்கு ஒரு குறும்பு பக்கம் உண்டு. உன் பயணத்தில் ஒவ்வொரு நபரையும் ஒவ்வொரு சவாலையும் ஏற்றுக்கொண்டாய்.
வாழ்க்கையின் ஒவ்வொரு தருணத்தையும் நேசிப்பதைப் பற்றி நீ எனக்கு நிறைய கற்றுக் கொடுத்தாய்! உன்னுடன் ஒரு பயணம் நடந்ததை நான் தாழ்மையுடன் உணர்கிறேன். நான் உன்னை மிகவும் நேசிக்கிறேன்! ரிப்" என டேவிட் மில்லர் தனது இன்ஸ்டாகிராம் பக்கத்தில் பதிவிட்டுள்ளார்.
Stay Strong, Miller #CricketTwitter #DavidMiller pic.twitter.com/Lor0WRR9p8
— CRICKETNMORE (@cricketnmore) October 8, 2022
இச்செய்தியானது அவரது ரசிகர்களை மட்டுமின்றி ஒட்டுமொத்த கிரிக்கெட் ரசிகர்களுக்கும் பெரும் சோகத்தை ஏற்படுத்தியுள்ளது. மேலும் இதன் காரணமாக டேவிட் மில்லர் இன்றைய போட்டியில் விளையாடுவாரா என்ற சந்தேகமும் எழுந்துள்ளது குறிப்பிடத்தக்கது.
Win Big, Make Your Cricket Tales Now
