ஆசிய கோப்பை 2022: பயிற்சியில் மிரட்டும் ரிஷப், ஜடேஜா!
ஆசிய கோப்பை கிரிக்கெட் தொடர் ஆகஸ்ட் 27 தொடங்கும் நிலையில், 28ஆம் தேதி பாகிஸ்தானை எதிர்கொள்ளும் இந்திய வீரர்கள் தீவிர பயிற்சியில் ஈடுபட்டுவருகின்றனர்.
ஆசிய கோப்பை தொடரில் பெரிதும் எதிர்பார்க்கப்படும் இந்தியா - பாகிஸ்தான் இடையேயான போட்டி வரும் 28ஆம் தேதி துபாயில் நடக்கிறது. கடந்த ஆண்டு நடந்த டி20 உலக கோப்பையில் பாகிஸ்தானிடம் 10 விக்கெட் வித்தியாசத்தில் படுதோல்வி அடைந்த இந்திய அணி, ஆசிய கோப்பையில் பழிதீர்க்கும் முனைப்பில் உள்ளது.
Trending
அதற்காக இந்திய அணி தீவிர பயிற்சியில் ஈடுபட்டுவருகிறது. கடந்த ஆண்டு நடந்த டி20 உலக கோப்பையில் இந்திய பேட்ஸ்மேன்களுக்கு சிம்மசொப்பனமாக திகழ்ந்து, இந்தியாவின் தோல்விக்கு முக்கிய காரணமாக திகழ்ந்த பாகிஸ்தான் வேகப்பந்து வீச்சாளர் ஷாஹீன் அஃப்ரிடி காயம் காரணமாக ஆசிய கோப்பையில் ஆடவில்லை. இது பாகிஸ்தான் அணிக்கு பெரும் பின்னடைவு.
இந்திய அணியிலும் பும்ரா, ஹர்ஷல் படேல் ஆகியோர் காயத்தால் ஆடாதபோதிலும், அவர்களை ஈடுகட்டும் அளவிற்கான பென்ச் வலிமை இந்திய அணியிடம் உள்ளது. ஆனால் பாகிஸ்தான் அணியின் பென்ச் வலிமை பலவீனமாக உள்ளது. எனவே ஆசிய கோப்பை தொடரில் ரோஹித் சர்மா தலைமையிலான இந்திய அணியை எதிர்கொள்வது பாகிஸ்தானுக்கு கடும் சவாலாக இருக்கும்.
Whack Whack Whack at the nets , courtesy @imjadeja & @RishabhPant17 #TeamIndia | #AsiaCup2022 | #AsiaCup pic.twitter.com/FNVCbyoEdn
— BCCI (@BCCI) August 26, 2022
இந்நிலையில், இப்போட்டிக்கு முன்னதாக இந்திய அணி வீரர்கள் தீவிர பயிற்சி மேற்கொண்டு வருகின்றனர். பயிற்சியில் ரிஷப் பந்த் மற்றும் ரவீந்திர ஜடேஜா ஆகிய இருவருமே பெரிய ஷாட்டுகளை ஆடி அசத்திக் கொண்டிருக்கின்றனர். இவர்கள் ஃபினிஷிங் ரோலை செய்யவேண்டிய சூழல் ஏற்படும்பட்சத்தில் அதற்கு தயாராக இருக்கும் வகையில், தீவிர பயிற்சியில் ஈடுபட்டுவருகின்றனர். அந்த காணொளி சமூக வலைதளங்களில் வைரலாகிவருகிறது.
Win Big, Make Your Cricket Tales Now
