ஐசிசி ஒருநாள் தரவரிசை: இந்தியா, நியூசிலாந்து வீரர்கள் முன்னேற்றம்!
ஐசிசி ஒருநாள் பேட்டர்களுக்கான தரவரிசைப் பட்டியலில் இந்திய அணியின் ஷுப்மன் கில், விராட் கோலி, ரோஹித் சர்மா மற்றும் ஸ்ரேயாஸ் ஐயர் ஆகியோர் தொடர்ந்து டாப் 10 இடங்களுக்குள் நீடித்து வருகின்றனர்.
இதில் பேட்டர்களுக்கான தரவரிசைப் பட்டியலில் இந்திய அணியின் துணைக்கேப்டன் ஷுப்மன் கில் தொடர்ந்து முதலிடத்தில் நீடித்து வருகிறார். அவரைத்தொடர்ந்து பாகிஸ்தான் அணியின் பாபர் ஆசாம் இரண்டாம் இடத்தில் தொடரும் நிலையில், இந்திய அணி கேப்டன் ரோஹித் சர்மா இரண்டு இடங்கள் முன்னேறி மூன்றாம் இடத்தைப் பிடித்துள்ளர். இதன் காரணமாக தென் ஆப்பிரிக்காவின் ஹென்ரிச் கிளாசென், இந்திய அணியின் விராட் கோலி ஆகியோர் தலா ஒரு பின் தங்கியுள்ளனர்.
Also Read
அவர்களைத் தொடர்ந்து நீயூசிலாந்தின் டேரில் மிட்செல் 6ஆம் இடத்திற்கு முன்னேறிய நிலையில், அயர்லாந்தின் ஹேரி டெக்டர் 7ஆம் இடத்திற்கு தள்ளப்பட்டுள்ளார். மேற்கொண்டு இந்திய வீரர் ஸ்ரேயாஸ் ஐயர் தொடர்ந்து எட்டாவது இடத்தில் நீடிக்கும் நிலையில், நியூசிலாந்தின் ரச்சின் ரவீந்திரா 14 இடங்கள் முன்னேறி 14ஆம் இடத்தை பிடித்துள்ளார். இதன் காரணமாக கேஎல் ராகுல் ஒரு இடம் பின் தங்கி 15ஆம் இடத்தைப் பிடித்துள்ளது குறிப்பிடத்தக்கது.
ஒருநாள் பந்துவீச்சாளர் தரவரிசையில் இலங்கை அணியின் மஹீஷ் தீக்ஷ்னா முதலிடத்தில் தொடரும் நிலையில், நியூசிலாந்து அணி கேப்டன் மிட்செல் சான்ட்னர் 6 இடங்கள் முன்னேறி இரண்டாம் இடத்திற்கும், இந்திய அணியின் குல்தீப் யாதவ் மூன்று இடங்கள் முன்னேறி மூன்றாம் இடத்தையும் பிடித்துள்ளார். மேற்கொடு இந்திய வீரர் ரவீந்திர ஜடேஜாவும் மூன்று இடங்கள் முன்னேறி 10ஆம் இடத்தைப் பிடித்துள்ளார்.
One of the finest Batting Line-ups in ODIs!#INDvNZ #ChampionsTrophy2025 #ShubmanGill #RohitSharma #ViratKohli #ShreyasIyer pic.twitter.com/Z65gyEZSLJ
— CRICKETNMORE (@cricketnmore) March 12, 2025
இதுதவிர்த்து நியூசிலாந்தின் மைக்கேல் பிரேஸ்வெல் 10 இடங்கள் முன்னேறி 18ஆவது இடத்தையும், இந்திய அணியின் அக்ஸர் படேல் இரண்டு இடங்கள் முன்னேறி 38ஆவது இடத்தையும், வருண் சக்ரவர்த்தி 16 இடங்கள் முன்னேறி 80ஆவது இடத்தையும் பிடித்துள்ளனர். மேலும் இந்திய அணியின் வாஷிங்டன் சுந்தர், நியூசிலாந்தின் ரச்சின் ரவீந்திரா ஆகியோரும் பந்துவீச்சளர்கள் தரவரிசையில் முன்னேற்றம் கண்டுள்ளது குறிப்பிடத்தக்கது.
Also Read: Funding To Save Test Cricket
இதுதவிர்த்து ஆல்ரவுண்டர்களுக்கான தரவரிசைப் பட்டியலில் ஆஃப்கானிஸ்தானின் அஸ்மதுல்லா ஒமர்ஸாய் முதாலிடத்திலும், முகமது நபி இரண்டாம் இடத்திலும் தொடர்கின்றனர். இதில் நியூசிலாந்தின் மிட்செல் சான்ட்னர் 4ஆம் இடத்திற்கு முன்னேறிய நிலையில், மைக்கேல் பிரேவெஸ் 7 இடங்களும், ரச்சின் ரவீந்திரா 8 இடங்களும் முன்னேறி டாப் 10 பட்டியலுக்குள் நுழைந்துள்ளனர். இந்த பட்டியலில் இந்திய அணியின் ரவீந்திர ஜடேஜா 10ஆம் இடத்திற்கு தள்ளப்பட்டுள்ளார்.
Win Big, Make Your Cricket Tales Now
