Icc odi rankings
ஐசிசி ஒருநாள் ஆல்ரவுண்டர்களுக்கான தரவரிசையில் முதலிடம் பிடித்தார் முகமது நபி!
இலங்கையில் சுற்றுப்பயணம் மேற்கொண்டு வரும் ஆஃப்கானிஸ்தன் அணி 3 போட்டிகள் கொண்ட ஒருநாள் தொடரில் விளையாடி வருகிறது. இதில் நடைபெற்று முடிந்த முதலிரண்டு போட்டிகளிலும் இலங்கை அணி வெற்றிபெற்று 2-0 என்ற கணக்கில் தொடரை வென்றது. இதையடுத்து இரு அணிகளுக்கும் இடையேயான மூன்றாவது ஒருநாள் போட்டி இன்று பல்லேகலேவில் நடைபெற்று வருகிறது.
இந்நிலையில் சர்வதேச கிரிக்கெட் கவுன்சில் (ஐசிசி) இன்று ஒருநாள் கிரிக்கெட் வீரர்களுக்கான தரவரிசைப் பட்டியலை வெளியிட்டுள்ளது. அதன்படி ஒருநாள் பேட்டர்களுக்கான தரவரிசையில் பாகிஸ்தான் அணியின் பாபர் ஆசாம் முதலிடத்தில் தொடர்கிறார். அவரைத்தொடர்ந்து இந்திய அணியின் ஷுப்மன் கில் இரண்டாம் இடத்திலும், விராட் கோலி மூன்றாம் இடத்திலும், ரோஹித் சர்மா நான்காம் இடத்திலும் தொடர்கின்றனர்.