ஐபிஎல் 2024: ராஜஸ்தான் ராயல்ஸ் vs கொல்கத்தா நைட் ரைடர்ஸ் - உத்தேச லெவன்!
ராஜஸ்தான் ராயல்ஸ் - கொல்கத்தா நைட் ரைடர்ஸ் அணிகளுக்கு இடையேயான லீக் போட்டி நடைபெறவுள்ள நிலையில், இரு அணிகளின் கணிக்கப்பட்ட பிளேயிங் லெவன் குறித்து இப்பதிவில் பார்ப்போம்.
இந்தியாவின் பல்வேறு நகரங்களில் நடைபெற்று வந்த ஐபிஎல் தொடரின் 17ஆவது சீசனுக்கான பிளே ஆஃப் சுற்று போட்டிகள் அடுத்த வாரம் முதல் தொடங்கவுள்ளது. இந்நிலையில் இத்தொடரின் கடைசி லீக் போட்டியானது இன்று நடைபெறுகிறது. இதில் சஞ்சு சாம்சன் தலைமையிலான ராஜஸ்தான் ராயல்ஸ் அணியும், ஸ்ரேயஸ் ஐயர் தலைமையிலான கொல்கத்தா நைட் ரைடர்ஸ் அணிகளும் பலப்பரீட்சை நடத்தவுள்ளன. இவ்விரு அணிகளும் பிளே ஆஃப் சுற்றுக்கு முன்னேறியுள்ள நிலையில், முதலிரண்டு இடங்களை பிடிப்பதற்கான போட்டியாக இது அமையவுள்ளது. இந்நிலையில் இப்போட்டியில் பங்கேற்கவுள்ள இரு அணிகளின் கணிக்கப்பட்ட பிளேயிங் லெவன் குறித்து இப்பதிவில் பார்ப்போம்.
ராஜஸ்தான் ராயல்ஸ்
Trending
சஞ்சு சாம்சன் தலைமையிலான ராஜஸ்தான் ராயல்ஸ் அணியும் பிளே ஆஃப் சுற்றுக்கு தகுதி பெற்றுள்ள நிலையில், அந்த அணி இதுவரை விளையாடிய 13 ஆட்டங்களில் 8 வெற்றி, 5 தோல்விகளுடன் 16 புள்ளிகள் பெற்று பட்டியலில் 2ஆவது இடத்தில் உள்ளது. எனினும் அந்த அணி கடைசியாக விளையாடி 4 போட்டிகளிலும் தொடர்ச்சியாக தோல்வி அடைந்த நிலையில் இன்று தனது கடைசி லீக் ஆட்டத்தை எதிர்கொள்கிறது. இதனால் இப்போட்டியில் வெற்றிபெற்ற கையோடு பிளே ஆஃப் சுற்றை எதிர்கொள்ளும் முனைப்பில் ராஜஸ்தான் ராயல்ஸ் அணி விளையாடவுள்ளது.
அணியின் பேட்டிங்கைப் பொறுத்தவரையில் சஞ்சு சாம்சன் மற்றும் ரியான் பராக் ஆகியோரை மட்டுமே அதிகம் சார்ந்துள்ளது. அதேசமயம் யஷஸ்வி ஜெய்ஸ்வால், டாம் கொஹ்லர் காட்மோர், ரோவ்மன் பாவெல், துருவ் ஜுரெல் போன்ற வீரர்கள் சிறப்பாக செயல்பட வேண்டிய கட்டாயத்திற்கு தள்ளப்பட்டுள்ளனர். அணியின் பந்துவீச்சைப் பொறுத்தவரையில் சந்தீப் சர்மா, டிரெண்ட் போல்ட், ஆவேஷ் கான் ஆகியோர் சிறப்பான ஆட்டத்தை வெளிப்படுத்தி வருகின்றனர். அவர்களுடன் யுஸ்வேந்திர சஹால், ரவிச்சந்திரன் அஸ்வின் ஆகியோரும் சிறப்பாக செயல்பட்டால் நிச்சயம் அந்த அணியால் வெற்றியை ஈட்டமுடியும் என எதிர்பார்க்கப்படுகிறது.
ராஜஸ்தான் ராயல்ஸ் உத்தேச லெவன்: யஷஸ்வி ஜெய்ஸ்வால், டாம் கோல்ஹர்-காட்மோர், சஞ்சு சாம்சன் (கேப்டன்), ரியான் பராக், துருவ் ஜூரல், ரோவ்மன் பவல், ரவிச்சந்திரன் அஷ்வின், டிரெண்ட் போல்ட், அவேஷ் கான், சந்தீப் சர்மா, யுஸ்வேந்திர சாஹல்.
கொல்கத்தா நைட் ரைடர்ஸ்
ஸ்ரேயாஸ் ஐயர் தலைமையிலான கொல்கத்தா நைட் ரைடர்ஸ் அணியானது நடப்பு ஐபிஎல் தொடரில் முதல் அணியாக பிளே ஆஃப் சுற்றில் கால்பதித்து அசத்தியது. அந்த அணி இதுவரை விளையாடிய 13 ஆட்டங்களில் 9 வெற்றி, 3 தோல்வி, ஒரு ஆட்டம் முடிவு இல்லாதது என 19 புள்ளிகளை குவித்து முதலிடத்தில் ஆதிக்கம் செலுத்துகிறது. கடைசியாக குஜராத் டைட்டன்ஸ் அணிக்கு எதிராக கொல்கத்தா நைட் ரைடர்ஸ் அணி மோத இருந்த ஆட்டம் மழை காரணமாக ரத்தானது. இருப்பினும் அந்த அணி முதல் முறையாக புள்ளிப்பட்டியலில் முதலிடம் பிடித்த கையோடு பிளே ஆஃப் சுற்றை எதிர்கொள்ள உள்ளது.
இங்கிலாந்தின் பில் சால்ட் தாயகம் திரும்பிவிட்ட நிலையில் தொடக்க வீரராக ஆஃப்கானிஸ்தானின் விக்கெட் கீப்பர் பேட்ஸ்மேனான ரஹ்மனுல்லா குர்பாஸ் களமிறங்கக்கூடும் என எதிர்பார்கக்ப்படுகிறது. மேலும் சுனில் நரைன், ஆண்ட்ரே ரஸல், அங்கிரிஷ் ரகுவன்ஷி, வெங்கடேஷ் ஐயர் ஆகியோர் பேட்டிங்கில் அசத்தி வருகின்றனர். பந்துவீச்சைப் பொறுத்தவரையில் வருண் சக்ரவர்த்தி, சுனில் நரேன் ஆகியோரது சுழலும், ஆண்ட்ரே ரஸல், ஹர்ஷித் ராணா, வைபவ்அரோரா, மிட்செல் மார்ஷ் ஆகியோரது வேகமும் ராஜஸ்தான் ராயல்ஸ் அணியின் பேட்டிங் வரிசைக்கு அழுத்தம் கொடுக்கக்கூடும் என எதிர்பார்க்கப்படுகிறது.
கொல்கத்தா நைட் ரைடர்ஸ் உத்தேச லெவன்: ரஹ்மானுல்லா குர்பாஸ், சுனில் நரைன், வெங்கடேஷ் ஐயர், ஸ்ரேயாஸ் ஐயர் (கேப்டன்), நிதிஷ் ராணா, ரின்கு சிங், ஆண்ட்ரே ரஸல், மிட்செல் ஸ்டார்க், ஹர்ஷித் ராணா, வருண் சக்ரவர்த்தி, வைபவ் அரோரா.
Win Big, Make Your Cricket Tales Now
