ஐபிஎல் 2024: ராஜஸ்தான் ராயல்ஸ் vs ராயல் சேலஞ்சர்ஸ் பெங்களூரு- போட்டி முன்னோட்டம் & ஃபேண்டஸி லெவன் டிப்ஸ்!

ஐபிஎல் தொடரில் நாளை நடைபெறும் 19ஆவது லீக் ஆட்டத்தில் ராஜஸ்தான் ராயல்ஸ் அணியை எதிர்த்து ராயல் சேலஞ்சர்ஸ் பெங்களூரு அணி பலப்பரீட்சை நடத்துகின்றது.

ஐபிஎல் 2024: ராஜஸ்தான் ராயல்ஸ் vs ராயல் சேலஞ்சர்ஸ் பெங்களூரு- போட்டி முன்னோட்டம் & ஃபேண்டஸி லெவன் டி (Image Source: Cricketnmore)

இந்தியாவில் தொடங்கி நடைபெற்றுவரும் ஐபிஎல் தொடரின் 17ஆவது சீசன் விறுவிறுப்பான கட்டத்தை எட்டியுள்ளது. இதில் ஒவ்வொரு அணிகளும் போட்டி போட்டு வெற்றியை ஈட்டும் முயற்சியில் ஈடுபட்டு வருகின்றனர். அந்த வகையில் நாளை நடைபெறும் 19ஆவது லீக் போட்டியில் சஞ்சு சாம்சன் தலைமையிலான ராஜஸ்தான் ராயல்ஸ் அணியை எதிர்த்து ஃபாஃப் டு பிளெசிஸ் தலைமையிலான ராயல் சேலஞ்சர்ஸ் பெங்களூரு அணி பலப்பரீட்சை நடத்தவுள்ளது. இதில் ஆர்சிபி அணி நடப்பு ஐபிஎல் சீசனில் விளையாடிய நான்கு போட்டிகளில் ஒரு வெற்றியை மட்டுமே பெற்றுள்ளதால் இப்போட்டியில் வெற்றிபெற்று மீண்டும் புள்ளிப்பட்டியலில் முன்னேறும் என்ற எதிர்பார்ப்புகள் அதிகரித்துள்ளன. 

போட்டி தகவல்கள்

• மோதும் அணி - ராஜஸ்தான் ராயல்ஸ் vs ராயல் சேலஞ்சர்ஸ் பெங்களூரு
• இடம் - சவாய் மான்சிங் மைதானம், ஜெய்ப்பூர்
• நேரம் - இரவு 7.30 மணி

போட்டி முன்னோட்டம்

இந்தாண்டு ஐபிஎல் தொடரில் சஞ்சு சாம்சன் தலைமையிலான ராஜஸ்தான் ராயல்ஸ் அணி அடுத்தடுத்து மூன்று போட்டிகளில் வெற்றிபெற்றதுடன், நடப்பு சீசனில் தோல்வியடையாத அணிகளில் ஒன்றாகவும் இருந்து வருகிறது. அணியின் பேட்டிவரிசையில் ரியான் பராக் அடுத்தடுத்த போட்டிகளில் அபார ஆட்டத்தை வெளிப்படுத்தி வருவதுடன் அணியின் துருப்புச்சீட்டாகவும் விளங்கி வருகிறார். அவருடன் ஃபார்மில் இருக்கும் சஞ்சு சாம்சனும் இருப்பது அணிக்கு கூடுதல் பலமாக பார்க்கப்படுகிறது. இருப்பினும் யஷஸ்வி ஜெய்ஸ்வால், ஜோஸ் பட்லர், ஷிம்ரான் ஹெட்மையர் போன்ற வீரர்கள் சோபிக்க வேண்டிய கட்டாயத்தில் உள்ளனர். 

மறுபக்கம் அணியின் பந்துவீச்சைப் பொறுத்தமட்டில் டிரென்ட் போல்ட் மற்றும் யுஸ்வேந்திர சஹால் இருவரும் அபாரமாக பந்துவீசி அணியின் வெற்றியை உறுதிசெய்து வருகின்றனர். அவர்களுக்கு துணையாக ரவிச்சந்திரன் அஸ்வின், நந்த்ரே பர்க்கர் மற்றும் அவேஷ் கான் ஆகியோரு சிறப்பான பந்துவீச்சை வெளிப்படுத்தி வருவது அணியின் பந்துவீச்சு பலத்தை கூட்டியுள்ளது. இருப்பினும் காயம் காரணமாக அவதிப்பட்டுவரும் சந்தீப் சர்மா இப்போட்டியில் பங்கேற்பாரா என்ற சந்தேகம் நிலவுவதால், அது அணிக்கு சற்று பின்னடைவை ஏற்படுத்தியுள்ளது. 

மறுபக்கம் ஃபாஃப் டூ பிளெசிஸ் தலைமையிலான ராயல் சேலஞ்சர்ஸ் பெங்களூரு அணி அடுத்தடுத்த போட்டிகளில் தோல்விகளைத் தழுவி மோசமான ஆட்டத்தை வெளிப்படுத்தி வருகின்றனர். அந்தவகையில் அணியின் பேட்டிங்கை எடுத்துக்கொண்டால் விராட் கோலி, தினேஷ் கார்த்திக்கைத் தவிர்த்து மற்ற வீரர்கள் சோபிக்க தவறி வருகின்றனர். அதிலும் ஃபாஃப் டூ பிளெசிஸ், கிளென் மேக்ஸ்வெல் மற்றும் கேமரூன் க்ரீன் போன்றா வீரர்கள் தொடர்ந்து பேட்டிங்கில் சொதப்பி வருவது அணிக்கு பெரும் தலைவலியாக மாறி வருகிறது. இதனால் இப்போட்டியில் வில் ஜேக்ஸ் களமிறக்கப்படுவார் என்ற எதிர்பார்ப்புகள் எழுந்துள்ளனர். 

மறுமுனையில் ஆர்சிபி அணியின் மிகப்பெரும் தலைவலியாக அந்த அணியின் பந்துவீச்சு துறை மாறி வருகிறது. இந்திய அணியில் சிறப்பாக செயல்பட்டுவரும் முகமது சிராஜ் நடப்பு ஐபிஎல் தொடரில் இதுவரை விக்கெட்டுகள் ஏதும் வீழ்த்தாமல் தொடர்ந்து ரன்களை வாரி வழங்கி வருகிறார். அவருடன் பந்துவீசிய அல்ஸாரி ஜோசர், ரீஸ் டாப்லி போன்ற வேகப்பந்து வீச்சாளர்களும் ரன்களை வாரி வழங்கியுள்ளார். இருப்பினும் வைஷாக் விஜயகுமார், கிளென் மேக்ஸ்வெல் போன்ற வீரர்கள் அவ்வபோது விக்கெட்டுகளை வீழ்த்தி ரன்களை கட்டுப்படுத்துவது நம்பிக்கை கொடுக்கும் விஷயமாக பார்க்கப்படுகிறது. 

பிட்ச் ரிப்போர்ட்

சவாய் மான்சிங் மைதானத்தில் நடைபெறும் டி20 போட்டிகளில் முதல் இன்னிங்ஸ் சராசரி ஸ்கோர் சுமார் 160 ரன்களாக உள்ளது. முதலில் பேட்டிங் செய்யும் அணி, போட்டியில் தனது பிடியை வலுப்படுத்த குறைந்தபட்சம் 175 ரன்கள் எடுக்க வேண்டும். ஏனெனில் இது பேட்டர், பந்துவீச்சாளர்கள் என சமநிலையான ஆடுகளமாக காணப்படுவதால் நிச்சயம் போட்டியில் விறுவிறுப்புக்கு பஞ்சமிருக்காது.

நேருக்கு நேர்

• மோதிய போட்டிகள் - 30
• ராஜஸ்தான் ராயல்ஸ் - 12
• ராயல் சேலஞ்சர்ஸ் பெங்களூரு - 15
• முடிவில்லை - 03

நேரலை

இந்திய கிரிக்கெட் ரசிகர்கள் ஐபிஎல் தொடரின் இந்த சீசனின் அனைத்து போட்டிகளையும் ஸ்டார் ஸ்போர்ட்ஸ் தொலைக்காட்சியில் நேரலையில் கண்டு ரசிக்கலாம். அதேசமயம் இத்தொடரின் ஓடிடி உரிமத்தை வியாகம் 18 நிறுவனம் பெற்றுள்ளதால், ரசிகர்கள் இத்தொடரை ஜியோ சினிமா ஓடிடி தளத்திலும் இலவசமாக நேரலையில் கண்டு மகிழலாம். 

உத்தேச லெவன்

ராஜஸ்தான் ராயல்ஸ்: யஷஸ்வி ஜெய்ஸ்வால், ஜோஸ் பட்லர், சஞ்சு சாம்சன் (கேப்டன்), ரியான் பராக், ரவிச்சந்திரன் அஷ்வின், துருவ் ஜூரல், ஷிம்ரான் ஹெட்மையர், டிரென்ட் போல்ட், அவேஷ் கான், நந்த்ரே பெர்கர், யுஸ்வேந்திர சாஹல்.

ராயல் சேலஞ்சர்ஸ் பெங்களூரு: விராட் கோலி, ஃபாஃப் டு பிளெசிஸ் (கேப்டன்), ரஜத் படிதார், கிளென் மேக்ஸ்வெல்/வில் ஜேக்ஸ், கேமரூன் கிரீன், அனுஜ் ராவத், தினேஷ் கார்த்திக், மயங்க் டாகர், ரீஸ் டாப்லி, முகமது சிராஜ், யாஷ் தயாள்..

ஃபேண்டஸி லெவன் டிப்ஸ்

• விக்கெட் கீப்பர் - சஞ்சு சாம்சன்(துணைக்கேப்டன்), தினேஷ் கார்த்திக்
• பேட்ஸ்மேன்கள் - விராட் கோலி (கேப்டன்), யஷஸ்வி ஜெய்ஸ்வால்
• ஆல்ரவுண்டர் - கிளென் மேக்ஸ்வெல், ரியான் பராக், கேமரூன் கிரீன்
• பந்துவீச்சாளர்கள் - யுஸ்வேந்திர சாஹல், டிரென்ட் போல்ட், நந்த்ரே பர்கர், ரீஸ் டாப்லி.

RR vs RCB IPL 2024 Dream11 Prediction, Today Match RR vs RCB, RR vs RCB Dream11 Team, Fantasy Cricket Tips, RR vs RCB Pitch Report, Today Cricket Match Prediction, Today Cricket Match, Dream11 Team, Playing XI, Pitch Report, Injury Update of the match between Rajasthan Royals vs Royal Challengers Bangalore

Disclaimer:*இந்த ஃபேண்டஸி டீம் என்பது ஆசிரியரின் புரிதல், பகுப்பாய்வு மற்றும் உள்ளுணர்வை அடிப்படையாகக் கொண்டது. உங்கள் அணியை உருவாக்கும் போது குறிப்பிடப்பட்ட புள்ளிகளைக் கருத்தில் கொண்டு கவனமாக முடிவெடுக்கவும்.

Win Big, Make Your Cricket Tales Now