IND vs SL: காயம் காரணமாக தொடரிலிருந்து விலகினார் ருதுராஜ்!

காயம் காரணமாக இலங்கை டி20 தொடரிலிருந்து இந்திய வீரர் ருதுராஜ் கெய்க்வாட் விலகினார்.

இந்தியா - இலங்கை இடையிலான மூன்று போட்டிகள் கொண்ட டி20 தொடர் தற்போது நடைபெற்று வருகிறது. நேற்று முதல் போட்டி நடைபெற்று முடிந்த நிலையில், இந்தியா 62 ரன்கள் வித்தியாசத்தில் வெற்றிபெற்றது.

இந்திய அணி வீரர்கள் விராட் கோலி, சூர்யகுமார் யாதவ், ரிஷப் பந்த் ஆகியோர் ஓய்வுக்கு சென்றதால், ருதுராஜுக்கு நிச்சயம் வாய்ப்பு கிடைக்கும் என எதிர்பார்க்கப்பட்டது. ஆனால், காயம் காரணமாக முதல் டி20 போட்டியிலிருந்து அவர் நீக்கப்பட்டார். 

இதுகுறித்துப் பேசிய இந்திய அணிக் கேப்டன் ரோஹித் ஷர்மா, “ருதுராஜுக்கு இன்று வாய்ப்பு கொடுக்கலாம் என்றுதான் எண்ணியிருந்தோம். ஆனால், அவருக்கு கையில் காயம் ஏற்பட்ட காரணத்தினால், இன்றைய போட்டியில் களமிறங்க மாட்டார்” எனத் தெரிவித்தார்.

இதனைத் தொடர்ந்து ருதுராஜ் கெய்க்வாட்டின் காயம் குறித்த தகவல் எதுவும் வெளியாகாமல் இருந்திருந்தது. இந்நிலையில், காயம் காரணமாக ருதுராஜ் கெய்க்வாட், இலங்கை டி20 தொடரிலிருந்து விலகியுள்ளார். மேலும் அவருக்கு மாற்றாக மயங்க் அகர்வால் இந்திய டி20 அணியில் சேர்க்கப்பட்டுள்ளார்.

Win Big, Make Your Cricket Tales Now