கம்பேக் கொடுக்கும் தவான்; ருதுராஜ்க்கு வாய்ப்பு கிடைக்குமா?

தென் ஆப்பிரிக்க அணிக்கெதிரான ஒருநாள் தொடரில் ஷிகர் தவான் மீண்டும் இந்திய அணிக்கு திரும்பியுள்ளதால், இளம் வீரர் ருதுராஜ் கெய்க்வாட்டிற்கு வாய்ப்பு கிடைக்குமா என்ற சந்தேகம் எழுந்துள்ளது.

Ruturaj Gaikwad or Shikhar Dhawan – Who Will be Backup Opener? (Image Source: Google)

தென் ஆப்பிரிக்காவில் சுற்றுப்பயணம் செய்துவரும் இந்திய அணி டெஸ்ட் தொடரில் தற்போது விளையாடி வருகிறது. இந்த தொடர் முடிந்தவுடன் 3 ஒருநாள் போட்டிகள் கொண்ட தொடரில் இந்திய அணி பங்கேற்கிறது.

இந்த தொடரில் கேஎல்ராகுல் கேப்டனாகவும், பும்ரா துணை கேப்டனாகவும் தேர்வாகியுள்ளனர். இந்த தொடரில் யாரும் எதிர்பாராத விதமாக இந்திய அணியின் நட்சத்திர வீரர் ஷிகர் தவான் அணிக்கு திரும்பியுள்ளார். ஷிகர் தவானை கடந்த சில மாதங்களாக இந்திய அணியில் சேர்க்காமல் தேர்வுக்குழுவினர் இருந்தனர். டி20 உலகக் கோப்பையில் கூட தவான் இந்திய அணியில் தேர்வாகவில்லை

இந்த நிலையில் ரோஹித் சர்மாவுக்கு காயம் ஏற்பட்டுள்ளது, இதனால் , அனுபவ வீரரின் பங்கு தேவை என்பதால் தவான் அணிக்கு திரும்பியுள்ளார். தவான் கடைசியாக 2021ஆம் ஆண்டு ஜூலை மாதம் இலங்கைக்கு எதிரான சுற்றுப் பயணத்தில் இந்திய அணிக்கு தலைமை தாங்கினார். அதன் பிறகு விவாகரத்து, அணியிலிருந்து நீக்கம் என பல்வேற சரிவுகளை கண்ட தவான், தற்போது அணிக்கு திரும்பியுள்ளார்

தற்போது 36 வயதாகும் தவான் சர்வதேச ஒருநாள் போட்டியில் 6,105 ரன்களை எடுத்துள்ளார்.தென் ஆப்பிரிக்க மண்ணில் இதுவரை 9 போட்டியில் விளையாடியுள்ள தவான்,335 ரன்களை விளாசியுள்ளார். இதில் ஒரு சதமும் அடங்கும். சராசரி 47 ரன்கள். இந்த நிலையில் ஷிகர் தவானின் வருகையால் இளம் வீரர் ருத்துராஜ் கெய்க்வாட்டுக்கு பிளேயிங் லெவனில் வாய்ப்பு இருக்காது என எதிர்பார்க்கப்படுகிறது

விஜய் ஹசாரே கோப்பையில் ருத்துராஜ் கெய்க்வாட் 4 சதம் விளாசியுள்ளார். ஆனால் ஷிகர் தவான் 20 ரன்களை கூட தொடவில்லை. நிலைமை இப்படி இருக்க அவர் திடீர் என்று அணியில் தேர்வாகி உள்ளார். தொடக்க வீரராக கேஎல் ராகுல் மற்றும் ஷிகர் தவான் இருப்பதால் ருத்துராஜ்க்கு வாய்ப்பு கிடைக்குமா என்ற எதிர்பார்ப்பு அதிகரித்துள்ளது.

Win Big, Make Your Cricket Tales Now