குல்தீப் ஓவரில் ஹாட்ரிக் சிக்சர்களை விளாசிய கெய்க்வாட்; வைரல் காணொளி!
குல்தீப் யாதவ் ஓவரில் ருதுராஜ் கெய்க்வாட் அடுத்தடுத்து 3 சிக்சர்களை விளாசிய காணொளி இணையத்தில் வைரலாகி வருகிறது.
16ஆவது சீசன் ஐபிஎல் தொடரின் 67ஆஅவது லீக் போட்டியில் டெல்லி அணியை எதிர்த்து சென்னை அணி விளையாடி வருகிறது. இந்தப் போட்டியில் சென்னை அணி வெற்றிபெற்றால் மட்டுமே பிளே ஆஃப் சுற்றுக்கு முன்னேற முடியும் என்பதால் ரசிகர்களிடையே பெரும் எதிர்பார்ப்பு இருந்தது. இந்த நிலையில் டாஸ் வென்ற சென்னை அணி கேப்டன் எம்எஸ் தோனி பேட்டிங்கை தேர்வு செய்தார்.
இதையடுத்து, சென்னை அணி சார்பாக கெய்க்வாட் - கான்வே கூட்டணி களமிறங்கியது. 2வது ஓவரிலேயே அதிரடியாக ருதுராஜ் ஒரு பவுண்டரியையும், கான்வே ஒரு சிக்சரையும் விளாச, ஆட்டத்தில் பரபரப்பு ஏற்பட்டது. ஒவ்வொரு ஓவருக்கும் 2 பவுண்டரிகளை கண்டிப்புடன் சென்னை அணியின் இரு பேட்ஸ்மேன்கள் விளாச தொடங்கினர்.
Trending
நோர்ட்ஜே, அக்சர் படேல் என்று நட்சத்திர பந்துவீச்சாளர்கள் கூட இருவரின் தாக்குதலில் இருந்து தப்ப முடியவில்லை. இதனால் 6 ஓவர்கள் முடிவில் சென்னை அணி 52 ரன்கள் குவித்தது. இதையடுத்து டெல்லி அணி தரப்பில் குல்தீப் யாதவ் மற்றும் அக்சர் படேல் இருவரும் அட்டாக்கில் கொண்டு வரப்பட்டனர்.
சிறிது நேரம் அமைதி காத்த ருதுராஜ், அக்சர் படேல் பந்துவீச்சில் அடுத்தடுத்து இரு சிக்சர்களை விளாசி 36 பந்துகளில் அரைசதம் விளாசி அசத்தினார். இது நடப்பு ஐபிஎல் தொடரில் ருதுராஜ் கெய்க்வாட் அடிக்கும் 3ஆவது அரைசதமாகும். கடந்த சில போட்டிகளாக 30 ரன்களுக்கு மேல் சேர்த்தபின் அதிரடியாக ஆட முயற்சித்து ஆட்டமிழந்து வந்த ருதுராஜ், முக்கியமான போட்டியில் அரைசதம் அடித்து அசத்தியுள்ளார்.
காணொளியைக் காண இங்கே க்ளிக் செய்யவும்: குல்தீப் ஓவரில் ஹாட்ரிக் சிக்சர்களை விளாசிய கெய்க்வாட்
அதன்பின் குல்தீப் யாதவ் வீசிய 11ஆவது ஓவரில் தாண்டவமாடிய கெய்க்வாட் அடுத்தடுத்து 3 சிக்சர்களை விளாசி மிரளவைத்தார். தொடர்ந்து அபாரமாக விளையாடிய கெய்க்வாட் இந்த இன்னிங்ஸில் 3 பவுண்டரி, 7 சிக்சர்களை விளாசி 79 ரன்களைக் குவித்தார். இதன்மூல சிஎஸ்கே அணி நிர்ணயிக்கப்பட்ட 20 ஓவர்கள் முடிவில் 223 ரன்களைச் சேர்த்தது. இந்நிலையில் அடுத்தடுத்து சிக்சர்களை விளாசிய ருதுராஜ் கெய்க்வாட்டின் காணொளி இணையத்தில் வைரலாகி வருகிறது.
Win Big, Make Your Cricket Tales Now
