சஞ்சு சாம்சன் கூறியதை என்னால் ஜீரணிக்கவே முடியவில்லை - ஸ்ரீசாந்த்!
கவாஸ்கர் சார் சஞ்சு சாம்சன் இடம் முதல் 10 பந்துகளை எடுத்துக் கொள்ளுமாறு கூறியிருந்தும் அவர் அதனை ஏற்காதது என்னால் ஜீரணிக்கவே முடியவில்லை என்று முன்னாள் வேகப்பந்து வீச்சாளர் ஸ்ரீசாந்து தெரிவித்துள்ளார்.
கடந்தாண்டு ஐபிஎல் தொடரில் இறுதிப் போட்டிக்கு முன்னேறிய ராஜஸ்தான் ராயல்ஸ் அணி இந்த முறை பிளே ஆப் சுற்றுக்கு முன்னேற முடியாமல் வெளியேறியது. நடப்பு ஐபிஎல் தொடரில் முதல் பாதியில் நான்கு வெற்றி இரண்டு தோல்விகள் என்று வலிமையாக ஆரம்பித்த ராஜஸ்தான் ராயல்ஸ் இரண்டாவது பாதியில் அப்படியே சரிந்து மொத்தமாக விழுந்தது.
ராஜஸ்தான் ராயல்ஸ் அணியின் இந்த பெரிய சரிவுக்கு பேட்டிங் யூனிட் சரிவர செயல்பட முடியாமல் போனது காரணமாக அமைந்தது. குறிப்பாக கேப்டன் சஞ்சு சாம்சனின் பேட்டிங் மோசமாக அமைந்தது. அவர் 55 மற்றும் 42 ரன்கள் எடுத்து அடுத்த இரண்டு ஆட்டத்தில் ரன் ஏதும் இல்லாமல் வெளியேறினார். 14 போட்டிகளில் 362 ரன்கள் எடுத்து இந்த ஐபிஎல் தொடரை முடித்து இருக்கிறார்.
Trending
இவரின் இந்த நிலையற்ற பேட்டிங் தொடர்பாக அவருடைய மாநில முன்னாள் வீரர் ஸ்ரீஷாந்த் கூறும் பொழுது, “14 வயது உட்பட்டவர்களுக்கான கேப்டன்சியின் கீழ் அவர் என்னிடம் விளையாடியதால் அவரை நான் ஆதரிக்கிறேன். கடந்த நான்கைந்து ஆண்டுகளில் அவரை ஒரு கிரிக்கெட் வீரராக நான் பார்க்கும் பொழுது, அவர் ஐபிஎல் தொடரில் விளையாடுவது மட்டும் இல்லாமல், மாநில அணிக்காக முதல் தர போட்டிகளிலும் விளையாட வேண்டும் என்று தொடர்ந்து கூறி வருகிறேன்.
இஷான் கிஷான் மற்றும் ரிஷப் பண்ட் இருவரும் இவருடைய இடத்துக்கான போட்டியில் முன்னும் பின்னும் இருக்கிறார்கள். ரிஷப் பண்ட் இல்லை ஆனால் அவர் சீக்கிரத்தில் திரும்பி வருவார். நான் அவரை சமீபத்தில் சந்தித்த பொழுது 8 அல்லது 9 மாதத்திற்குள் மீண்டும் வந்து விடுவேன் என்று கூறி இருக்கிறார். இப்படி இருக்கும் பொழுது ஐபிஎல் தொடரில் சஞ்சு சாம்சன் அவுட் ஆன விதம் ஏற்றுக்கொள்ள முடியவில்லை.
கவாஸ்கர் சார் சஞ்சு சாம்சன் இடம் முதல் 10 பந்துகளை எடுத்துக் கொள்ளுமாறு கூறியிருந்தார். மேலும் 12 பந்தில் ரன்கள் இல்லாவிட்டாலும் 25 பந்தில் மொத்தமாக அரைசதம் அடிக்க முடியும் என்றும் கூறியிருந்தார். ஆனால் லீக் கட்டத்தில் கடைசி போட்டியில் தோல்வி அடைந்த பொழுது சஞ்சு சாம்சன் பேசும் பொழுது ‘ இல்லை என்னுடைய ஸ்டைல் இப்படி விளையாடுவதுதான்’ என்று அவர் கூறியதை என்னால் ஜீரணிக்கவே முடியவில்லை” என்று கூறியுள்ளார்.
Win Big, Make Your Cricket Tales Now
