SA vs IND: ஒருநாள், டி20 & டெஸ்ட் தொடருக்கான தென் ஆப்பிரிக்க அணி அறிவிப்பு; முக்கிய மாற்றங்கள்!

இந்தியாவுக்கு எதிரான ஒருநாள், டி20 மற்றும் டெஸ்ட் தொடர்களில் விளையாடும் தென் ஆப்பிரிக்க கிரிக்கெட் அணியை அந்நாட்டு கிரிக்கெட் வாரியம் இன்று அறிவித்துள்ளது.

SA vs IND: ஒருநாள், டி20 & டெஸ்ட் தொடருக்கான தென் ஆப்பிரிக்க அணி அறிவிப்பு; முக்கிய மாற்றங்கள்! (Image Source: Google)

இந்தியாவில் நடந்த 13 ஆவது கிரிக்கெட் உலகக் கோப்பையின் இறுதிப் போட்டியில் இந்திய அணி ஆஸ்திரேலியாவிடம் தோல்வியடைந்தது. இதன் மூலமாக ஆஸ்திரேலியா 6ஆவது முறையாக சாம்பியன் பட்டம் வென்றது. இதையடுத்து, நடைபெற்ற ஆஸ்திரேலியாவுக்கு எதிரான டி20 தொடரில் இந்திய அணியின் ரோஹித் சர்மா, விராட் கோலி, கேஎல் ராகுல், முகமது ஷமி, முகமது சிராஜ், ரவீந்திர ஜடேஜா, குல்தீப் யாதவ், ஜஸ்ப்ரித் பும்ரா உள்ளிட்ட சீனியர் வீரர்களுக்கு ஓய்வு அளிக்கப்பட்டது.

அதைத்தொடர்ந்து  இந்திய அணி தென் ஆப்பிரிக்காவில் சுற்றுப் பயணம் மேற்கொண்டு 2 டெஸ்ட், 3 ஒருநாள் கிரிக்கெட் மற்றும் 3 டி20 போட்டிகள் கொண்ட தொடரில் விளையாடுகிறது. தென் ஆப்பிரிக்காவுக்கு எதிரான தொடருக்கான இந்திய ஒருநாள், டி20 மற்றும் டெஸ்ட் அணிகள் சமீபத்தில் அறிவிக்கப்பட்டது. அதன்படி, ஒருநாள் மற்றும் டி20 தொடர்களில் ரோஹித் சர்மா மற்றும் விராட் கோலி இருவருக்கும் ஓய்வு அளிக்கப்பட்டுள்ளது. டெஸ்ட் தொடர்களில் இருவரும் பங்கேற்பதாக அறிவிக்கப்பட்டுள்ளது.

மேலும் மூன்று அணிகளுக்கும் வெவ்வெறு கேப்டன்களையும் பிசிசிஐ நியமித்துள்ளது. அதன்படி டி20 தொடருக்கு சூர்யகுமார் யாதவும், ஒருநாள் தொடருக்கு கேஎல் ராகுலும், டெஸ்ட் தொடருக்கு ரோஹித் சர்மாவும் இந்திய அணியின் கேப்டன்களாக நியமிக்கப்பட்டுள்ளனர். இதில் ஒருநாள் மற்றும் டி20 தொடருக்கான இந்திய அணியில் இளம் வீரர்களுக்கும் அதிகளவு  வாய்ப்பு கொடுக்கப்பட்டுள்ளது. 

இந்நிலையில் இந்திய தொடருக்கான தென் ஆப்பிரிக்க அணியை அந்நாட்டு கிரிக்கெட் வாரியம் இன்று அறிவித்துள்ளது. இதில் குறிப்பாக உலகக்கோப்பை தொடரில் தென் ஆப்பிரிக்க அணியை வழிநடத்திய டெம்பா பவுமா, இந்தியாவுக்கு எதிரான ஒருநாள் மற்றும் டி20 தொடர்களிலிருந்து விலக்கப்பட்டு டெஸ்ட் அணியின் கேப்டனாக நியமிக்கப்பட்டுள்ளார். 

இதில் தென் ஆப்பிரிக்க ஒருநாள் மற்றும் டி20 அணியின் கேப்டனாக ஐடன் மார்க்ரம் நியமிக்கப்பட்டுள்ளார். மேலும் அறிமுக வீரர்களாக ஓட்னியேல் பார்ட்மேன், நாண்ட்ரே பர்கர், மிஹ்லலி மபோங்வானா ஆகியோருக்கு இத்தொடரில் வாய்ப்பு வழங்கப்பட்டுள்ளது. அதுபோக நட்சத்திர வீரர்கள் டேவிட் மில்லர், ஹென்ரிச் கிளாசென், கேசவ் மகாரா, தப்ரைஸ் ஷம்ஸி, ஜெரால்ட் கோட்ஸி ஆகியோரும் அணியில் இடம்பிடித்துள்ளனர்.

தென் ஆப்பிரிக்க டி20 அணி: ஐடன் மார்க்ரம் (கே), ஒட்னியல் பார்ட்மேன், மேத்யூ ப்ரீட்ஸ்கே, நான்ட்ரே பர்கர், ஜெரால்ட் கோட்ஸி (*), டோனோவன் ஃபெரீரா, ரீசா ஹென்ட்ரிக்ஸ், மார்கோ ஜான்சன் (*), ஹென்ரிச் கிளாசென், கேசவ் மகராஜ், டேவிட் மில்லர், லுங்கி இங்கிடி (*), அண்டிலி பெஹ்லுக்வாயோ, தப்ரைஸ் ஷம்சி, டிரிஸ்டன் ஸ்டப்ஸ் மற்றும் லிசாட் வில்லியம்ஸ். (* முதலிரண்டு டி20-களில் மட்டும்)

தென் ஆப்பிரிக்க ஒருநாள் அணி: ஐடன் மார்க்ரம் (கே), ஒட்னியேல் பார்ட்மேன், நான்ட்ரே பர்கர், டோனி டி ஸோர்ஸி, ரீசா ஹென்ட்ரிக்ஸ், ஹென்ரிச் கிளாசென், கேசவ் மஹாராஜ், மிஹ்லலி மபோங்வானா, டேவிட் மில்லர், வியான் முல்டர், அண்டில் பெஹ்லுக்வாயோ, தப்ரைஸ் ஷம்சி, ரஸ்ஸி வான் டெர் டுசென், கைல் வெர்ரைன் மற்றும் லிசாட் வில்லியம்ஸ்.

தென் ஆப்பிரிக்க டெஸ்ட் அணி:  டெம்பா பாவுமா (c), டேவிட் பெடிங்ஹாம், நான்ட்ரே பர்கர், ஜெரால்ட் கோட்ஸி, டோனி டி ஸோர்ஸி, டீன் எல்கர், மார்கோ ஜான்சன், கேசவ் மகாராஜ், ஐடன் மார்க்ரம், வியான் முல்டர், லுங்கி என்கிடி, கீகன் பீட்டர்சன், ககிசோ ரபாடா, டிரிஸ்டன் ஸ்டப்ஸ் மற்றும் கைல் வெர்ரைன்.

போட்டி அட்டவணை

• ஞாயிறு, 10 டிசம்பர் - முதல் டி20 போட்டி, டர்பன்
• செவ்வாய், 12 டிசம்பர் - 2ஆவது டி20 போட்டி, க்கெபெர்ஹா
• வியாழன், 14 டிசம்பர் - 3ஆவது டி20 போட்டி, ஜோகன்னஸ்பர்க்
• ஞாயிறு, 17 டிசம்பர் - முதல் ஒருநாள் போட்டி, ஜோகன்னஸ்பர்க்
• செவ்வாய், 19 டிசம்பர் - 2ஆவது ஒருநாள் போட்டி, க்கெபெர்ஹா
• வியாழன், 21 டிசம்பர் - 3ஆவது ஒருநாள் போட்டி, பார்ல்
• 26 டிசம்பர் - 30 டிசம்பர் - முதல் டெஸ்ட் போட்டி, செஞ்சுரியன்
• 03 ஜனவரி - 07 ஜனவரி - 2ஆவது டெஸ்ட் போட்டி, கேப் டவுன்

Win Big, Make Your Cricket Tales Now