எஸ்ஏ20 2024: ரியான் ரிக்கெல்டன், பொல்லார்ட் அதிரடி; டார்பன் சூப்பர் ஜெயண்ட்ஸுக்கு 208 டார்கெட்!

டர்பன் சூப்பர் ஜெயண்ட்ஸ் அணிக்கெதிரான எஸ்ஏ20 லீக் ஆட்டத்தில் முதலில் பேட்டிங் செய்த மும்பை இந்தியன்ஸ் கேப்டவுன் அணி 208 ரன்களை இலக்காக நிர்ணயித்துள்ளது.

எஸ்ஏ20 2024: ரியான் ரிக்கெல்டன், பொல்லார்ட் அதிரடி; டார்பன் சூப்பர் ஜெயண்ட்ஸுக்கு 208 டார்கெட்! (Image Source: Google)

தென் ஆப்பிரிக்காவில் நடைபெற்றுவரும் எஸ்ஏ 20 லீக் தொடரின் இரண்டாவது சீசன் நேற்று கோலாகலமாக தொடங்கியது. இதில் இன்று நடைபெற்ற இரண்டாவது லீக் ஆட்டத்தில் டர்பன் சூப்பர் ஜெயண்ட்ஸ் - மும்பை இந்தியன்ஸ் கேப்டவுன் அணிகள் பலப்பரீட்சை நடத்தின. டர்பனில் நடைபெற்ற இப்போட்டியில் டாஸ் வென்ற டர்பன் சூப்பர் ஜெயண்ட்ஸ் அணி முதலில் பந்துவீசுவதாக அறிவித்தது. 

அதன்படி களமிறங்கிய கேப்டவுன் அணிக்கு ரஸ்ஸி வேண்டர் டுசென் - ரியான் ரிக்கெல்டன் இணை அதிரடியான தொடக்கத்தைக் கொடுத்து அடித்தளம் அமைத்துக்கொடுத்தனர். இதில் 24 ரன்கள் எடுத்திருந்த வேண்டர் டுசென் ஆட்டமிழக்க, அடுத்து களமிறங்கிய அதிரடி வீரர் டெவால்ட் பிரீவிஸ் 5 ரன்களுக்கும், கானர் எஸ்டெர்ஹூய்சென் 17 ரன்களுக்கும் என விக்கெட்டை இழந்து பெவிலியனுக்கு திரும்பினர். 

அதேசமயம் மறுபக்கம் அதிரடியாக விளையாடி வந்த ரிக்கெல்டன் அரைசதம் கடந்து அசத்தினார். அவருடன் இணைந்த லியாம் லிவிங்ஸ்டோனும் அதிரடியாக விளையாட அணியின் ஸ்கோரும் மளமளவென உயர்ந்தது. அதன்பின் இப்போட்டியில் சதமடிப்பார் என எதிர்பார்க்கப்பட்ட ரியான் ரிக்கெல்டன் 6 பவுண்டரி, 6 சிக்சர்கள் என 87 ரன்களை எடுத்த நிலையில் கீமோ பால் பந்துவீச்சில் ஆட்டமிழந்து சதமடிக்கும் வாய்ப்பை தவறவிட்டார்.

அதனைத்தொடர்ந்து அதிரடியாக விளையாடி வந்த லியாம் லிவிங்ஸ்டோனும் 25 ரன்களில் ஆட்டமிழந்தார். பின்னர் களமிறங்கிய கேப்டன் கீரென் பொல்லார்ட்டும் அதிரடியாக விளையாடி 14 பந்துகளில் 4 பவுண்டரி, ஒரு சிக்சர் என 31 ரன்களை விளாசினார். இதன்மூலம் கேப்டவுன் அணி 20 ஓவர்கள் முடிவில் 5 விக்கெட்டுகளை இழந்து 207 ரன்களைக் குவித்தது. டர்பன் சூப்பர் ஜெயண்ட்ஸ் அணி தரப்பில் கீமோ பால் 2 விக்கெட்டுகளைக் கைப்பற்றினார். 

Win Big, Make Your Cricket Tales Now