எஸ்ஏ20 2024: சூப்பர் ஜெயண்ட்ஸை 157 ரன்களுக்கு சுருட்டியது மும்பை இந்தியன்ஸ்!
மும்பை இந்தியன்ஸ் கேப்டவுன் அணிக்கெதிரான எஸ்ஏ20 லீக் ஆட்டத்தில் முதலில் பேட்டிங் செய்த டர்பன் சூப்பர் ஜெயண்ட்ஸ் அணி 158 ரன்களை இலக்காக நிர்ணயித்துள்ளது.
எஸ்ஏ20 லீக் தொடரின் இரண்டாவது சீசன் தென் ஆப்பிரிக்காவில் விறுவிறுப்பாக நடைபெற்று வருகிறது. இதில் இன்று நடைபெற்ற 16ஆவது லீக் ஆட்டத்தில் மும்பை இந்தியன்ஸ் கேப்டவுன் அணியை எதிர்த்து டர்பன் சூப்பர் ஜெயண்ட்ஸ் அணி பலப்பரீட்சை நடத்தியது. அதன்படி கேப்டவுனில் உள்ள நியூலேண்ட்ஸ் கிரிக்கெட் மைதானத்தில் நடைபெற்ற இப்போட்டியில் டாஸ் வென்ற மும்பை இந்தியன்ஸ் கேப்டவுன் அணி முதலில் பந்துவீசுவதாக அறிவித்தது.
இதையடுத்து இன்னிங்ஸைத் தொடங்கிய டர்பன் சூப்பர் ஜெயண்ட்ஸ் அணிக்கு மேத்யூ பிரீட்ஸ்கி - டோனி டி ஸோர்ஸி இணை தொடக்கம் கொடுத்தனர். இதில் அதிரடியாக தொடங்கிய ஸோர்ஸி 3 பவுண்டரி, ஒரு சிக்சர் என 20 ரன்கள் எடுத்த நிலையில் ஆட்டமிழந்தார். அவரைத் தொடர்ந்து களமிறங்கிய நட்சத்திர வீரர் குயின்டன் டி காக் முதல் பந்திலேயே விக்கெட்டை இழந்து ஏமாற்றமளித்தார்.
Trending
பின்னர் பிரீட்ஸ்கியும் இணைந்த ஜேஜே ஸ்மட்ஸ் ஓரளவு தாக்குப்பிடித்து விக்கெட் இழப்பை தடுத்து நிறுதினார். அதன்பின் 26 ரன்களில் ஸ்மட்ஸ் ஆட்டமிழக்க, அடுத்து களமிறங்கிய அதிரடி வீரர்கள் ஹென்ரிச் கிளாசென் 6 ரன்களுக்கும், மார்க்ஸ் ஸ்டொய்னிஸ் 11 ரன்களுக்கும் என ஆட்டமிழந்து அதிர்ச்சியளித்தனர். அவர்களைத்தொடர்ந்து மறுமுனையில் அரைசதம் அடிப்பார் என எதிர்பார்க்கப்பட்ட பிரீட்ஸ்கியும் 3 பவுண்டரி, 2 சிக்சர்கள் என 46 ரன்களுக்கு விக்கெட்டை இழந்தார்.
அதன்பின் இறுதியில் அபாரமான ஆட்டத்தை வெளிப்படுத்திய வியான் முல்டர் 20 பந்துகளில் 6 பவுண்டரிகளை விளாசி 38 ரன்களைச் சேர்த்து அணிக்கு ஃபினீஷிங்கை கொடுத்தார். இதன்மூலம் 20 ஓவர்கள் முடில் டர்பன் சூப்பர் ஜெயண்ட்ஸ் அணி 6 விக்கெட்டுகளை இழந்து 157 ரன்களைச் சேர்த்தது. மும்பை இந்தியன்ஸ் கேப்டவுன் அணி தரப்பில் ஜார்ஜ் லிண்டே மற்றும் தாமஸ் கேபர் தலா 2 விக்கெட்டுகளைக் கைப்பற்றினர்.
Win Big, Make Your Cricket Tales Now
