SA20 League: ஈஸ்டர்ன் கேப்பை 127 ரன்களில் சுருட்டியது ஜோபர்க் சூப்பர் கிங்ஸ்!
ஜோபர்க் சூப்பர் கிங்ஸிற்கு எதிரான எஸ்ஏ20 லீக் ஆட்டத்தில் சன்ரைசர்ஸ் ஈஸ்டர்ன் கேப் அணி 127 ரன்களுக்கு ஆல் அவுட்டானது.
இப்போட்டியில் டாஸ் வென்றுள்ள ஜோபர்க் சூப்பர் கிங்ஸ் அணியின் கேப்டன் ஃபாஃப் டூ பிளெசிஸ் முதலில் பந்துவீசுவதாக தீர்மானித்தார். அதன்படி களமிறங்கிய ஈஸ்டர்ன் கேப் அணியில் ஜோர்டன் ஹார்மன், சரேல் எர்வீ, கேப்டன் ஐடன் மார்க்ரம், டிரிஸ்டன் ஸ்டப்ஸ் என அதிரடி வீரர்கள் அனைவரும் அடுத்தடுத்து சொற்ப ரன்களுக்கு ஆட்டமிழந்து பெவிலியனுக்கு நடையைக் கட்டினர்.
Trending
அதேசமயம் மறுமுனையில் அதிரடி ஆட்டத்தை வெளிப்படுத்தி வந்த ஆடம் ரோஸிங்டன் அரைசதம் கடப்பார் என எதிர்பார்க்கப்பட்ட நிலையில் 40 ரன்களில் ஆட்டமிழந்தார். அவரைத்தொடர்ந்து வந்த மார்கோ ஜான்செனும் 6 ரன்கள் எடுத்த நிலையில் அரோன் பங்கிசோ பந்துவீச்சில் விக்கெட்டை இழந்தார்.
பின்னர் ஜோடி சேர்ந்த் ஜேஜே ஸ்மட்ஸ் - ஜோம்ஸ் ஃபுல்லர் இணை ஓரளவு அதிரடியாக விளையாடி ஸ்கோரை உயர்த்தினர். அதன்பின் 22 ரன்கள் சேர்த்திருந்த ஸ்மட்ஸும் பங்கிசோ பந்துவீச்சில் ஆட்டமிழக்க, அடுத்து வந்த பிரைடன் கார்ஸும் 11 ரன்களுக்கு விக்கெட்டை இழந்து பெவிலியனுக்கு நடையைக் கட்டினார்.
அதன்பின் அதிரடியாக விளையாடி வந்த ஜேம்ஸ் ஃபுல்லரும் 27 ரன்களுக்கு விக்கெட்டை இழக்க, சன்ரைசர்ஸ் ஈஸ்டர்ன் கேப் அணி 18.4 ஓவர்களில் அனைத்து விக்கெட்டுகளையும் இழந்து 127 ரன்களுக்கு ஆல் அவுட்டானது. ஜோபர்க் சூப்பர் கிங்ஸ் தரப்பில் அபாரமாக பந்துவீசிய ஆரோன் பங்கிசோ, கோட்ஸி ஆகியோர் தலா 4 விக்கெட்டுகளை வீழ்த்தினர்.
Win Big, Make Your Cricket Tales Now
