SA20 League: பார்ல் ராயல்ஸை 127 ரன்களில் சுருட்டியது சன்ரைசர்ஸ்!

சன்ரைசர்ஸ் ஈஸ்டர்ன் கேப் அணிக்கெதிரான லீக் ஆட்டத்தில் பார்ல் ராயல்ஸ் அணி 128 ரன்களை இலக்காக நிர்ணயித்துள்ளது.

SA20 League: Sunrisers Eastern Cape restricted Paarl Royals by 127 runs (Image Source: Google)

தென் ஆப்பிரிக்காவில் தொடங்கப்பட்டுள்ள டி20 லீக் தொடரான எஸ்ஏ20 லீக் விறுவிறுப்பாக நடைபெற்று வருகிறது. இதில் இன்று நடைபெற்றுவரும் 12ஆவது லீக் ஆட்டத்தில் சன்ரைசர்ஸ் ஈஸ்டர்ன் கேப் - பார்ல் ராயல்ஸ் அணிகள் பலப்பரீட்சை நடத்துகின்றன.

இப்போட்டியில் டாஸ் வென்றுள்ள ஈஸ்டர்ன் கேப் அணியின் கேப்டன் ஐடன் மார்க்ரம் முதலில் பந்துவீசுவதாக தீர்மானித்துள்ளார். அதன்படி களமிறங்கிய பார்ல் ராயல்ஸ் அணியின் அதிரடி தொடக்க வீரர்கள் ஜேசன் ராய் 6, ஜோஸ் பட்லர் 12 ரன்கள் என அடுத்தடுத்து ஆட்டமிழந்து ஏமாற்றினர். 

பின்னர் ஜோடி சேர்ந்த விஹான் லூப் - கார்பின் போஷ் ஓரளவு தாக்குப்பிடித்து ஸ்கோரை உயர்த்தினர். பின் 20 ரன்களில் போஷ் ஆட்டமிழக்க, 28 ரன்களைச் சேர்த்திருந்த லூப் விக்கெட்டை இழந்தார். 

அதன்பின் பெரிதும் எதிர்பார்க்கப்பட்ட ஈயான் மோர்கன், கேப்டன் டேவிட் மில்லர், எவான் ஜோன்ஸ் ஆகியோரும் அடுத்தடுத்து சொற்ப ரன்களில் ஆட்டமிழந்து வந்த வேகத்திலேயே பெவிலியனுக்கு நடையைக் கட்டினர். 

இறுதியில் ஜோர்ன் ஃபார்டுயின் - கோடி யூசுஃப் ஆகியோர் 31 ரன்கள் பார்ட்னர்ஷிப் அமைத்தனர். இதனால் 20 ஓவர்கள் முடிவில் பார்ல் ராயல்ஸ் அணி 7 விக்கெட்டுகளை இழந்து 127 ரன்களை மட்டுமே எடுத்தது. சன்ரைசர்ஸ் தரப்பில் ஐடன் மார்க்ரம், கார்ஸ், வெண்டெர் மொர்வ் ஆகியோர் தலா 2 விக்கெட்டுகளைக் கைப்பற்றினர்.

Win Big, Make Your Cricket Tales Now