சைம் அயூப் காயம் குறித்து அப்டேட் வழங்கிய பாகிஸ்தான் கிரிக்கெட் வாரியம்!
காயம் காரணமாக அவதிப்பட்டு வரும் பாகிஸ்தான் அணியின் நட்சத்திர இளம் வீரர் சைம் அயூப் அதிலிருந்து குணமடைய 10 வார காலம் ஆகும் என பாகிஸ்தான் கிரிக்கெட் வாரியம் அறிவித்துள்ளது.
கடந்த ஜனவரி மாதம் தென் ஆப்பிரிக்க அணிக்கு எதிரான் அடெஸ்ட் தொடரின் போது பாகிஸ்தான் அணியின் இளம் நட்சத்திர வீரர் சைம் அயூம் ஃபீல்டிங்கின் போது காயமடைந்து களத்தில் இருந்து பாதியிலேயே வெளியேறினார். மேற்கொண்டு அவரது காலில் எழும்பு முறிவு ஏற்பட்டதன் காரணமாக போட்டியில் இருந்து பாதியிலேயே வெளியேறியதுடன் தொடரிலும் இருந்தும் விலகினார்.
மேற்கொண்டு அவரின் மருத்துவ சிகிச்சையின் காரணமாக லண்டன் சென்றுள்ளார். இதன் காரணமாக எதிர்வரும் சாம்பியன்ஸ் கோப்பை கிரிக்கெட் தொடரில் இருந்தும் அவர் விலகினார். இந்நிலையில் அவரின் உடற்தகுதி குறித்த அறிவிப்பை பாகிஸ்தான் கிரிக்கெட் வாரியம் இன்று அறிவித்துள்ளது. மேலும் பிசிபியின் அறிக்கையில், சைம் அயூப் குணமடைய குறந்தது 10 வார காலம் ஆகும் என்ற அறிவிப்பையும் கொடுத்துள்ளது.
Trending
இதுகுறித்து பிசிசி வெளியிட்டுள்ள அறிக்கையில், “எம்ஆர்ஐ ஸ்கேன் பரிசோதனைகளின் முடிவு மற்றும் மருத்துவர்களின் ஆலோசனைப் படி சைம் அயூப் தனது காயத்தில் இருந்து குணமடைந்து வருகிறார். மேலும் அவர் தனது காயத்தில் இருந்து முழுமையாக குணமடைய 10 வாரங்கள் தேவைப்படும். இதனால் உடற்தகுதி மற்றும் மருத்துவ பரிசோதனைகளின் அடிப்படையும் நியூசிலாந்து சுற்றுப்பயணத்தில் அவர் விளையாடுவது உறுதிசெய்யப்படும்” என்று தெரிவித்துள்ளது.
எதிர்வரும் மார்ச் மாதம் நியூசிலாந்தில் சுற்றுப்பயணம் மேற்கொள்ளவுள்ள பாகிஸ்தான் அணி 5 போட்டிகள் கொண்ட டி20 தொடரிலும், 3 போட்டிகள் கொண்ட ஒருநாள் தொடரிலும் விளையாடவுள்ளது. இந்த தொடருக்கு முன்னதாக சைம் அயூப் முழு உடற்தகுதியை எட்டும் பட்சத்தில், பாகிஸ்தான் அணிக்கான தேர்விலும் அவர் இருப்பார். அதேசமயம் இவர் பாகிஸ்தான் சூப்பர் லீக் தொடரிலும் விளையாட மாட்டார் என்பது குறிப்பிடத்தக்கது.
Also Read: Funding To Save Test Cricket
பாகிஸ்தான் அணிக்காக 2024ஆம் ஆண்டில் அறிமுகமான சைம் அயூப் இதுவரை 7 டெஸ்ட் போட்டிகளில் விளையாடி 3 அரைசதங்களுடன் 364 ரன்களையும், 9 ஒருநாள் போட்டிகளில் விளையாடி 3 சதம் மற்றும் ஒரு அரைசதத்துடன் 515 ரன்களையும், 27 டி20 போட்டிகளில் 498 ரன்களையும் சேர்த்துள்ளார். மேற்கொண்டு 2024ஆம் ஆண்டிற்கான ஐசிசி ஒருநாள் அணியிலும் சைம் அயூப் இடம்பிடித்திருந்தது குறிப்பிடத்தக்கது.
Win Big, Make Your Cricket Tales Now
