SAW vs WIW, 3rd ODI: லாரா வோல்வார்ட் அபாரம்; விண்டீஸூக்கு 300 டார்கெட்!
வெஸ்ட் இண்டீஸ் மகளிர் அணிக்கெதிரான 3ஆவது ஒருநாள் போட்டியில் முதலில் பேட்டிங் செய்த தென் ஆப்பிரிக்க மகளிர் அணி 300 ரன்களை இலக்காக நிர்ணயித்துள்ளது.
இந்நிலையில் இரு அணிகளுக்கும் இடையேயான மூன்றாவது போட்டி ஜொஹனன்ஸ்பர்க்கில் இன்று நடைபெற்று வருகிறது.
இப்போட்டியில் டாஸ் வென்று முதலில் பேட்டிங் செய்த தென் ஆப்பிரிக்க அணியில் டஸிம் பிரிட்ஸ், அன்னே போஷ் ஆகியோர் சொற்ப ரன்களில் ஆட்டமிழந்தனர்.
அதன்பின் ஜோடி சேர்ந்த லாரா வோல்வார்ட் - சுனே லூஸ் இணை அதிரடியாக விளையாடி எதிரணி பந்துவீச்சை பறக்கவிட்டனர். இதில் அபார ஆட்டத்தை வெளிப்படுத்திய வோல்வார்ட் சதமடிக்க, மறுமுனையிலிருந்த லூஸும் அரைசதம் கடந்தார்.
பின் 56 ரன்னில் சுனே லூஸ் ஆட்டமிழக்க, அவரைத் தொடர்ந்து 117 ரன்களில் லாரா வோல்வார்ட்டும் விக்கெட்டை இழந்தார். இறுதியில் அதிரடி ஆட்டத்தை வெளிப்படுத்திய சோலி ட்ரையான் 24 பந்துகளில் 43 ரன்களை விளாசினார்.
இதன்மூலம் 50 ஓவர்கள் முடிவில் தென் ஆப்பிரிக்க அணி 8 விக்கெட்டுகளை இழந்து 299 ரன்களைச் சேர்த்தது. வெஸ்ட் இண்டீஸ் தரப்பில் ஷாமிலியா கானல் 4 விக்கெட்டுகளைக் கைப்பற்றினார்.
Win Big, Make Your Cricket Tales Now
