எம்எல்சி 2023: வாஷிங்டனை வீழ்த்தியது சியாட்டில்!

வாஷிங்டன் ஃப்ரீடமிற்கு எதிரான எம்எல்சி லீக் ஆட்டத்தில் சியாட்டில் ஆஸ்கர்ஸ் அணி 5 விக்கெட் வித்தியாசத்தில் வெற்றிபெற்று அசத்தியது.

எம்எல்சி 2023: வாஷிங்டனை வீழ்த்தியது சியாட்டில் (Image Source: Google)

அமெரிக்காவில் தொடங்கப்பட்டுள்ள மேஜர் லீக் டி20 கிரிக்கெட் தொடர் விறுவிறுப்பாக நடைபெற்று வருகிறது. இதில் இன்று நடைபெற்ற 3ஆவது லீக் போட்டியில் சியாட்டில் ஆஸ்கர்ஸ், வாஷிங்டன் ஃபிரீடம் அணிகள் பலப்பரீட்சை நடத்தின. இப்போட்டியில் டாஸ் வென்ற சியாட்டில் அணி முதலில் பந்துவீசுவதாக அறிவித்து களமிறங்கியது. 

இதையடுத்து களமிறங்கிய வாஷிங்டன் அணிக்கு மேத்யூ ஷார்ட் -ஆண்ட்ரிஸ் இணை தொடக்கம் கொடுத்தனர். இதில் மேத்யூ ஷார்ட் 2 ரன்களில் ஆட்டமிழக்க, அடுத்து வந்த முகதார் அஹ்மதும் 5 ரன்களில் வெளியேறினார். அதன்பின் ஆண்ட்ரிஸ் 28 ரன்களுக்கும், கிளென் பிலீப்ஸ் 20 ரன்களுக்கும், ஹென்றிக்ஸ் 24 ரன்களுக்கும் என அடுத்தடுத்து விக்கெட்டுகளை இழந்தனர். 

இறுதியில் அகீல் ஹொசைன் அதிரடியாக விளையாடி 33 ரன்களைச் சேர்த்தனர். இதன்மூலம் நிர்ணயிக்கப்பட்ட 20 ஓவர்கள் முடிவில் வாஷிங்டன் ஃப்ரீடம் அணி 7 விக்கெட்டுகளை இழந்து 144 ரகளைச் சேர்த்தது. சியாட்டில் அணி தரப்பில் வெய்ன் பார்னெல், ஹர்மீட் சிங் தலா 2 விக்கெட்டுகளைக் கைப்பற்றினர்.  

இதையடுத்து எளிய இலக்கை நோக்கி களமிறங்கிய சியாட்டில் அணியில் நட்சத்திர வீரர்கள் குயின்டன் டி காக், ஜெயசூர்யா, ஹென்ரிச் கிளாசென் ஆகியோர் சொற்ப ரன்களுக்கு ஆட்டமிழந்தனர். பின்னர் ஜோடி சேர்ந்த நௌமன் அன்வர் - இமாத் வாசிம் இணை சிறப்பான ஆட்டத்தை வெளிப்படுத்தி அணியின் ஸ்கோரை உயர்த்தினர். 

பின் நௌமன் அன்வர் 48 ரன்களில் ஆட்டமிழந்து அரைசதம் அடிக்கும் வாய்ப்பை தவறவிட, இறுதிவரை களத்தில் இருந்த இமாத் வாசிம் 43 ரன்களைச் சேர்த்து அணிக்கு வெற்றியைத் தேடிக்கொடுத்தார். இதன்மூலம் சியாட்டில் அணி 19.4 ஓவர்களில் இலக்கை எட்டியதுடன் 5 விக்கெட் வித்தியாசத்தில் வாஷிங்டன் ஃப்ரீடம் அணியை வீழ்த்தி வெற்றிபெற்றது. 

Win Big, Make Your Cricket Tales Now