ஷாருக் கான் சிக்சரை கண்டுகளித்த எம்.எஸ். தோனி!

தனது பாணியில் சிக்சர் விளாசி ஆட்டத்தை முடித்த தமிழக வீரர் ஷாருக் கானின் பேட்டிங்கை இந்திய அணியின் முன்னாள் கேப்டன் மகேந்திர சிங் தோனி தொலைக்காட்சியில் கண்டுகளித்தார்.

சையத் முஷ்டாக் அலி கோப்பைப் தொடரின் இறுதிச்சுற்றில் கர்நாடகத்தை வீழ்த்தி தமிழக அணி சாம்பியன் ஆகியுள்ளது. கடைசிப் பந்தில் சிக்ஸர் அடித்து தமிழக அணிக்கு வெற்றியைத் தேடித் தந்தார் ஷாருக் கான்.

இதன்மூலம் சையத் முஷ்டாக் அலி கோப்பை தொடரில் தமிழ்நாடு அணி மூன்றாவது முறையாக சாம்பியன் பட்டத்தை வென்று, இத்தொடரில் அதிகமுறை சாம்பியன் பட்டம் வென்ற அணி என்ற புகழைப் பெற்றது. 

மேலும் தொடர்ச்சியாக மூன்று முறை இறுதிப்போட்டிக்குள் நுழைந்து, அதில் இரண்டு முறை கோப்பையைக் கைப்பற்றியுள்ளது. 

அதிலும் இப்போட்டியின் கடைசி ஓவர்சில் 16 ரன்கள் எடுக்க வேண்டிய இக்காட்டான சூழலில், முதல் பந்தில் சாய் கிஷோர் ஒரு பவுண்டரி அடித்தார். ஜெயின் இரு வைட் பந்துகளை வீசினார். இதனால் கடைசிப் பந்தில் வெற்றிக்கு 5 ரன்கள் தேவைப்பட்டன. பரபரப்பான அந்தத் தருணத்தில் ஷாருக் கான் அற்புதமான சிக்ஸர் அடித்து தமிழ்நாடு அணிக்கு வெற்றியை வழங்கினார்.

 

Fini ing off in sty7e!#SyedMushtaqAliTrophy #WhistlePodu pic.twitter.com/QeuLPrJ9Mh

— Chennai Super Kings - Mask Pdu Whistle Pdu! (@ChennaiIPL) November 22, 2021

சையத் முஷ்டாக் அலி கோப்பைப் போட்டியின் இறுதி ஆட்டத்தைத் தொலைக்காட்சி வழியாகக் கண்டுகளித்தார் சிஎஸ்கே கேப்டன் தோனி. இதன் புகைப்படத்தை சென்னை சூப்பர் கிங்ஸ் அணி தனது ட்விட்டர் பக்கத்தில் பகிர்ந்துள்ளது. இப்புகைப்படம் தற்போது சமூக வலைதளங்கில் வைரலாகியுள்ளது. 

Win Big, Make Your Cricket Tales Now