Shahrukh Khan to lead Lyca Kovai Kings in TNPL 2021 (Image Source: Google)
தமிழ்நாட்டைச் சேர்ந்த அதிரடி கிரிக்கெட் வீரர் ஷாருக் கான். இவர் இதுவரை 5 முதல் தர ஆட்டங்களிலும் 25 ஏ, 39 டி20 ஆட்டங்களில் விளையாடியுள்ளார்.
இந்தாண்டு நடைபெற்ற சையத் முஷ்டாக் அலி கோப்பையைத் தமிழ்நாடு அணி வெல்வதற்கு முக்கியக் காரணமாக இருந்தார். அதிரடியான ஆட்டத்துக்குப் பெயர் பெற்ற ஷாருக் கானை, ஐபிஎல் ஏலத்தின் போது பஞ்சாப் கிங்ஸ் அணி ரூ. 5.25 கோடிக்கு ஏலம் எடுத்திருந்தது.
அதன்படி இந்த வருடம் இந்தியாவில் நடைபெற்ற ஐபிஎல் போட்டியில் 8 ஆட்டங்களில் விளையாடிய ஷாரூக் கான் 107 ரன்கள் எடுத்தார். பின்னர் ஐபிஎல் தொடர் ஒத்திவைக்கப்பட்டுள்ளதால், அவரது அதிரடி ஆட்டம் தொடர இன்னும் சில மாதங்கள் காத்திருக்க வேண்டும் என்ற நிலை உருவாகியுள்ளது.
