ஐபிஎல் 2022: டெல்லி கேப்பிட்டல்ஸின் பயிற்சியாளராக வாட்சன்!

ஆஸ்திரேலியாவின் புகழ்பெற்ற வீரரான ஷேன் வாட்சன் நடப்பாண்டு ஐபிஎல் தொடரில் டெல்லி கேப்பிட்டல்ஸ் அணியின் பயிற்சியாளர்களில் ஒருவராக இணைந்துள்ளார்.

Shane Watson will be the new assistant coach for Delhi Capitals! (Image Source: Google)

ஐபிஎல் மெகா ஏலம் படு சுவாரஸ்யமாக நடந்து முடிந்த நிலையில் அடுத்ததாக போட்டிகள் எப்போது தொடங்கும் என்ற எதிர்பார்ப்பு எழுந்துள்ளது. அதன்படி வரும் மார்ச் 26ஆம் தேதி முதல் மே மாதம் முதல் வாரம் போட்டிகள் நடைபெறும் என எதிர்பார்க்கப்படுகிறது.

இந்த தொடருக்காக ஒவ்வொரு அணிகளும் தங்களது குழுவில் பல்வேறு மாற்றங்களை கொண்டு வருகின்றனர். குறிப்பாக பல அணிகளும் தங்களது பயிற்சியாளர்களை மாற்றி வருகின்றன. அந்தவகையில் தோனிக்கும் மிகவும் நெருங்கிய வீரரான ஷேன் வாட்சன் மீண்டும் ஐபிஎல் தொடரில் பயிற்சியாளராக திரும்புகிறார். ஆனால் அது சிஎஸ்கேவுக்கு இல்லை.

சிஎஸ்கேவுக்கு வர வேண்டும் என்பது தான் வாட்சனின் ஆசை. ஆனால் இந்த முறை அவர் டெல்லி கேப்பிடல்ஸ் அணிக்கு செல்லவிருக்கிறார். இது தோனிக்கே ஆச்சரியமாக அமைந்துள்ளது. நீண்ட நாட்களாக சமாதானப்படுத்தி ரிக்கிப் பாண்டிங் அவரை அணிக்குள் சேர்த்துக்கொண்டார். டெல்லி அணியில் துணைக்கேப்டனாக இருந்த முகமது கைஃப் பதவி விலகினார். இதனையடுத்து அவரின் இடத்திற்காக வாட்சன் வந்துள்ளார்.

ஐபிஎல் தொடரின் முதல் கோப்பையை வென்ற ராஜஸ்தான் அணியில் இருந்தவர் வாட்சன். அதன் பின்னர் சாம்பியன் சிஎஸ்கே அணியில் இருந்துள்ளார். கிட்டத்தட்ட 12 வருட ஐபிஎல் அனுபவம் உள்ள அவருக்கு ஒவ்வொரு களத்தை பற்றியும் நன்கு தெரியும். குறிப்பு சவால் மிகுந்த அணிகளான சிஎஸ்கே மற்றும் மும்பை அணிகளின் வியூகங்கள் தெரியும்.

ரிக்கிப் பாண்டிங் பயிற்சியில் ஏற்கனவே டெல்லி அணி இறுதிப்போட்டி, அரையிறுதி வரை சென்றுவிட்டது. இந்நிலையில் வார்னர் சேர்ந்திருப்பது அந்த அணிக்கு கூடுதல் பலத்தை கொடுத்துள்ளது. இதன் மூலம் கோப்பையை வெல்வதற்கு அதிக வாய்ப்புகள் உள்ள அணியாகவும் டெல்லி உருவெடுத்துள்ளது.

Win Big, Make Your Cricket Tales Now