ஷர்தூலுக்கு பதிலாக இளம் வீரரை அணிக்குள் இழுத்தது டெல்லி கேப்பிட்டல்ஸ்!

ரசிகர்களுக்கு ஆச்சரியம் அளிக்கும் வகையில் டெல்லி அணி ஷர்தூல் தாக்கூருக்கு பதிலாக கொல்கத்தா அணியிலிருந்து அமான் கானை வாங்கியுள்ளது.

Shardul Thakur Shake Hands With KKR, Aman Khan Joins Delhi Capitals (Image Source: Google)

அடுத்த ஆண்டு நடைபெறவுள்ள ஐபிஎல் 16ஆவது சீசனுக்கான முதற்கட்ட பணிகள் தொடங்கியுள்ளது. ஐபிஎல் 16ஆவது சீசனுக்கு முன், டிசம்பர் 23ஆம் தேதி கொச்சியில் மினி ஏலம் நடைபெறவுள்ளது. இந்த மினி ஏலத்திற்கு முன்பாக ஒவ்வொரு அணியும் தாங்கள் தக்கவைக்கும் வீரர்களின் பெயர் பட்டியலை இன்றுக்குள் சமர்பிக்க வேண்டும் என ஐபிஎல் நிர்வாகம் கூறியிருந்தது.

அதற்கான வேலைகளை அணி நிர்வாகங்கள் தீவிரமாக செய்து வருகின்றன. அந்த வகையில் கடந்த சீசனில் டெல்லி அணிக்காக களம் இறங்கிய ஆல்ரவுண்டர் ஷர்துல் தாக்கூரை அந்த அணி நிர்வாகம் கொல்கத்தா அணிக்கு டிரேடிங் செய்துள்ளது. அவருக்காக அந்த அணியில் இருந்து ஆல்ரவுண்டர் அமான் கானை டெல்லி அணி நிர்வாகம் வாங்கியுள்ளது.

ஷர்துல் தாக்கூரை டெல்லி அணி கடந்த சீசனில் 10.75 கோடி ரூபாய் கொடுத்து வாங்கினர். அவர் அந்த அணிக்காக 14 போட்டிகளில் விளையாடி 15 விக்கெட்டும், 120 ரன்களும் அடித்திருந்தார். கொல்கத்தா அணி ஏற்கனவே குஜராத் அணியிடம் இருந்து வேகப்பந்து வீச்சாளர் லாக்கி பெர்குசனையும், ஆஃப்கானிஸ்தான் விக்கெட் கீப்பர் பேட்ஸ்மேன் குர்பாஸையும் டிரேடிங் செய்துள்ளது குறிப்பிடத்தக்கது. 

Win Big, Make Your Cricket Tales Now