முதல் சதத்தில் ஜாம்பவான்கள் வரிசையில் இணைந்த ஷுப்மன் கில்!

ஜிம்பாப்வே அணிக்கு எதிரான மூன்றாவது ஒருநாள் போட்டியில் சதம் அடித்ததன் மூலம் சுப்மன் கில் ஒருநாள் போட்டிகளில் புதிய சாதனை ஒன்றை படைத்துள்ளார்.

Shubman Gill breaks Sachin Tendulkar’s record with superb 130-run knock in 3rd ODI (Image Source: Google)

ஜிம்பாப்வே சென்றுள்ள இந்திய கிரிக்கெட் அணி, ஜிம்பாப்வே அணியுடன் மூன்று ஒருநாள் போட்டிகள் கொண்ட தொடரில் பங்கேற்றுள்ளது. இந்த தொடரின் முதல் இரண்டு போட்டியிலும் இந்திய அணி அபார வெற்றி பெற்று தொடரையும் கைப்பற்றிவிட்ட நிலையில், இரு அணிகள் இடையேயான மூன்றாவது மற்றும் கடைசி ஒருநாள் போட்டி இன்று நடைபெற்று வருகிறது.

ஜிம்பாப்வேவின் ஹராரே மைதானத்தில் நடைபெற்று வரும் இந்த போட்டியில் டாஸ் வென்ற இந்திய அணியின் கேப்டன் கே.எல் ராகுல் முதலில் பேட்டிங்கை தேர்வு செய்தார். இதனையடுத்து முதலில் பேட்டிங் செய்ய களமிறங்கிய இந்திய அணிக்கு துவக்க வீரர்களான ஷிகர் தவான் 40 ரன்களும், கே.எல் ராகுல் 30 ரன்களும் எடுத்து கொடுத்தனர்.

அதன்பின் மூன்றாவது விக்கெட்டிற்கு களமிறங்கிய ஷுப்மன் கில் மிக சிறப்பான ஆட்டத்தை வெளிப்படுத்தி ஒருநாள் போட்டிகளில் தனது முதல் சதத்தை பதிவு செய்துவிட்டு, 97 பந்துகளில் 130 ரன்கள் எடுத்தார். நான்காவது விக்கெட்டிற்கு களமிறங்கிய இஷான் கிஷன் 50 ரன்களில் விக்கெட்டை இழந்தார்.

இதன்பின் களமிறங்கிய வீரர்கள் பெரிதாக ரன் குவிக்க தவறியதால் நிர்ணயிக்கப்பட்ட 50 ஓவர்கள் முடிவில் 8 விக்கெட்டுகளை இழந்துள்ள இந்திய அணி 289 ரன்கள் எடுத்துள்ளது. ஜிம்பாப்வே அணி சார்பில் அதிகபட்சமாக பிராட் எவான்ஸ் ஐந்து விக்கெட்டுகளை கைப்பற்றி அசத்தினார். 

இந்தநிலையில், இந்த போட்டியின் மூலம் ஒருநாள் போட்டிகளில் தனது முதல் சதத்தை பதிவு செய்த ஷுப்மன் கில், இதன் மூலம் ஒருநாள் போட்டிகளில் புதிய மைல்கல் ஒன்றையும் எட்டியுள்ளார்.

வெறும் 22 வயதே ஆகும் சுப்மன் கில், இந்த போட்டியில் சதம் அடித்ததன் மூலம் வெளிநாட்டில் நடைபெற்ற சர்வதேச ஒருநாள் போட்டிகளில் குறைந்த வயதில் சதம் அடித்த மூன்றாவது இந்திய வீரர் என்ற பெருமையை பெற்றுள்ளார். முன்னதாக இந்த பட்டியலில் யுவராஜ் சிங் மற்றும் விராட் கோலி ஆகியோர் உள்ளனர்.

குறைந்த வயதில் சதம் அடித்த இந்திய வீரர்கள் பட்டியல்;

• யுவராஜ் சிங் – ஆஸ்திரேலியா – 22 வயது 41 நாட்கள்
• விராட் கோலி – இங்கிலாந்து – 22 வயது 315 நாட்கள்
• சுப்மன் கில் – ஜிம்பாப்வே – 22 வயது 348 நாட்கள்
• ரோஹித் சர்மா – ஜிம்பாப்வே – 23 வயது 28 நாட்கள்

Win Big, Make Your Cricket Tales Now