BAN vs SL, 1st Test: சண்டிமல், டிக்வெல்லாவின் பொறுப்பான ஆட்டத்தால் தோல்வியைத் தவிர்த்த இலங்கை!

இலங்கை - வங்கதேசம் ஆகிய அணிகளுக்கு இடையிலான முதல் டெஸ்ட் போட்டியில் டிராவில் முடிவடைந்தது.

SL vs BAN 1st Test: Chandimal & Dickwella Take Sri Lanka To A Draw Against Bangladesh (Image Source: Google)

இலங்கை அணி வங்கதேசத்தில் சுற்றுப்பயணம் செய்து 2 டெஸ்டுகள் கொண்ட டெஸ்ட் தொடரில் விளையாடுகிறது. இத்தொடரின் முதல் டெஸ்ட், சட்டோகிராமில் நடைபெற்றது.

இப்போட்டியில் டாஸ் வென்ற இலங்கை அணி முதலில் பேட்டிங் செய்து, 153 ஓவர்களில் 397 ரன்கள் எடுத்தது. மேத்யூஸ் 199 ரன்களுக்கு ஆட்டமிழந்தார். நயீம் ஹசன் 6 விக்கெட்டுகளை வீழ்த்தினார். 

இதையடுத்து வங்கதேச அணி முதல் இன்னிங்ஸில் சிறப்பாக விளையாடி 170.1 ஓவர்களில் 465 ரன்கள் எடுத்தது. தமிம் இக்பால் 133, முஷ்ஃபிகுர் ரஹிம் 105 ரன்கள் எடுத்தார்கள். ரஜிதா 4 விக்கெட்டுகளை வீழ்த்தினார். 

முதல் இன்னிங்ஸில் 68 ரன்கள் பின்தங்கிய இலங்கை அணி, கடைசி நாளன்று கவனமாக விளையாடி 90.1 ஓவர்களில் 6 விக்கெட் இழப்புக்கு 260 ரன்கள் எடுத்தது. இதனால் ஆட்டம் டிராவில் முடிவடைந்தது. 

முதலில் 161 ரன்களுக்கு 6 விக்கெட்டுகளை இழந்து தடுமாறியதஇலங்கை, அதன்பிறகு தினேஷ் சண்டிமலும் நிரோஷனும் பொறுப்புடன் விளையாடி தோல்வியைத் தவிர்த்தார்கள். சண்டிமல் 39, நிரோஷன் 61 ரன்கள் எடுத்து ஆட்டமிழக்காமல் இருந்தார்கள். தைஜுல் இஸ்லாம் 4 விக்கெட்டுகளை வீழ்த்தினார். 

இதன் மூலம் வங்கதேசம் - இலங்கை அணிகளுக்கு இடையேயான முதல் டெஸ்ட் போட்டி டிராவில் முடிந்ததாக அறிவிக்கப்பட்டது. மேத்யூஸ், ஆட்ட நாயகனாகத் தேர்வானார். 2-வது டெஸ்ட், மே 23 அன்று மிர்புரில் தொடங்குகிறது. 

Win Big, Make Your Cricket Tales Now