SL vs IRE, 1st Test: கருணரத்னே, மெண்டிஸ் அசத்தல் சதம்; வலிமையான நிலையில் இலங்கை!
அயர்லாந்துக்கு எதிரான டெஸ்ட் போட்டியின் முதல்நாள் ஆட்டநேர முடிவில் இலங்கை அணி 4 விக்கெட் இழப்பிற்கு 386 ரன்களைச் சேர்த்துள்ளது.
அதன்படி அந்த அணியின் தொடக்க வீரர்களாக நிஷான் மதுசங்கா - கேப்டன் திமுத் கருணரத்னே இணை களமிறங்கினர். இதில் 29 ரன்களை எடுத்திருந்த மதுசங்கா, கர்டிஸ் காம்பேர் பந்துவீச்சில் விக்கெட்டை இழந்தார். அதன்பின் கருணரத்னேவுடன் இணைந்த குசால் மெண்டிஸ் சிறப்பான ஆட்டத்தை வெளிப்படுத்தி அணியின் ஸ்கோரை மளமளவென உயர்த்தினார்.
Trending
இதில் அபார ஆட்டத்தை வெளிப்படுத்திய கருணரத்னே சர்வதேச டெஸ்ட் கிரிக்கெட்டில் தனது 15ஆவது சதத்தையும், குசால் மெண்டிஸ் தனது 8ஆவது சர்வதேச சதத்தையும் பதிவுசெய்து அசத்தினர். அதன்பின் 18 பவுண்டரி, ஒரு சிக்சர் என 140 ரன்களில் குசால் மெண்டிஸ் விக்கெட்டை இழக்க, அடுத்து களமிறங்கிய ஏஞ்சலோ மேத்யூஸ் ரன்கள் ஏதுமின்றி விக்கெட்டை இழந்து ஏமாற்றமளித்தார்.
அதன்பின் இரட்டை சதமடிப்பார் என எதிர்பார்க்கப்பட்ட திமுத் கருணரத்னே 15 பவுண்டரிகளை விளாசி 179 ரன்களை எடுத்திருந்த நிலையில் மார்க் அதிர் பந்துவீச்சில் லோர்கன் டக்கரிடம் கேட்ச் கொடுத்து விக்கெட்டை இழந்தார். இதனையடுத்து ஜோடி சேர்ந்த தினேஷ் சண்டிமல் - பிரபாத் ஜெயசூர்யா இணை நிதான ஆட்டத்தை வெளிப்படுத்தி வருகின்றனர்.
இதன்மூலம் முதல்நாள் ஆட்டநேர முடிவில் இலங்கை அணி 4 விக்கெட்டுகளை இழந்து 386 ரன்களைச் சேர்த்துள்ளது. இதில் சண்டிமல் 18 ரன்களுடனும், ஜெயசூர்யா 12 ரன்களுடனும் களத்தில் உள்ளனர். அயர்லாந்து அணி தரப்பில் மார்க் அதிர், கர்டிஸ் காம்பெர், பெஞ்சமின் வைட், ஜார்ஜ் டக்ரெல் தலா ஒரு விக்கெட்டைக் கைப்பற்றியுள்ளனர்.
Win Big, Make Your Cricket Tales Now
