SL vs SA: தென் ஆப்பிரிக்காவை வீழ்த்தி தொடரைக் கைப்பற்றியது இலங்கை!

தென் ஆப்பிரிக்க அணிக்கெதிரான மூன்றாவது ஒருநாள் போட்டியில் இலங்கை அணி 78 ரன்கள் வித்தியாசத்தில் வெற்றிபெற்றதுடன், ஒருநாள் தொடரை 2-1 என்ற கணக்கில் கைப்பற்றியது.

SL vs SA: Sri Lanka won A first ODI series win in 18 months (Image Source: Google)

இலங்கை - தென் ஆப்பிரிக்க அணிகளுக்கு இடையேயான கடைசி ஒருநாள் போட்டி இன்று நடைபெற்றது. இப்போட்டியில் டாஸ் வென்ற இலங்கை அணி முதலில் பேட்டிங் செய்ய தீர்மானித்து களமிறங்கியது. 

அதன்படி அணியின் தொடக்க வீரர்கள் அவிஷ்கா ஃபெர்னாண்டோ, தினேஷ் சண்டிமல் ஆகியோர் சொற்ப ரன்களில் ஆட்டமிழக்க, அடுத்து வந்த வீரர்களும் விக்கெட்டை இழந்து பெவிலியன் திரும்பினர். 

இதனால் 50 ஓவர்கள் முடிவில் இலங்கை அணி 9 விக்கெட்டுகளை இழந்து 203 ரன்களைச் சேர்த்தது. இதில் சரித் அசலங்கா 47 ரன்களைச் சேர்த்தார். தென் ஆப்பிரிக்க அணி தரப்பில் கேசவ் மகாராஜ் 3 விக்கெட்டுகளைக் கைப்பற்றினார். 

அதன்பின் வெற்றி இலக்கை நோக்கி களமிறங்கிய தென் ஆப்பிரிக்க அணியில் மாலன் 18, மார்க்ரம் 2, ஹெண்ட்ரிக்ஸ் 1, வென்டர் டுசன் 2 என அடுத்தடுத்து விக்கெட்டை இழந்து ஏமாற்றமளித்தனர். 

பின்னர் வந்த வீரர்களலாலும் எதிரணி பந்துவீச்சை தாக்குப்பிடிக்க முடியாமல் அடுத்தடுத்து விக்கெட்டை இழந்து நடையைக் கட்டினர். இதனால் தென் ஆப்பிரிக்க அணி 30 ஓவர்களிலேயே அனைத்து விக்கெட்டுகளையும் இழந்து 125 ரன்களை மட்டுமே சேர்த்தது. 

இதன் மூலம் இலங்கை அணி 78 ரன்கள் வித்தியாசத்தில் தென் ஆப்பிரிக்க அணியை வீழ்த்தியதுடன், மூன்று போட்டிகள் கொண்ட ஒருநாள் தொடரையும் 2-1 என்ற கணக்கில் கைப்பற்றி அசத்தியது.

Win Big, Make Your Cricket Tales Now