சையத் முஷ்டாக் அலி: தமிழ்நாடு vs கேரளா - போட்டி முன்னோட்டம்!

சையத் முஷ்டாக் அலி தொடரில் நாளை நடைபெறும் முதல் காலிறுதிப்போட்டியில் தமிழ்நாடு - கேரள அணிகள் பலப்பரீட்சை நடத்துகின்றன.

SMAT 2021 Quarter Final 1: Tamil Nadu vs Kerala - Prediction (Image Source: Google)

2021ஆம் ஆண்டின் சையத் முஷ்டாக் கிரிக்கெட் தொடர் தற்போது விறுவிறுப்பான கட்டத்தை எட்டியுள்ளது. நாளை டெல்லியில் காலை 8.30 மணிக்கு நடைபெறும் காலிறுதி போட்டியில் தமிழ்நாடு அணியும், கேரளாவும் மோதுகின்றன.

ஆல் ரவுண்டர் விஜய் சங்கர் தலைமையிலான தமிழ்நாடு அணி இந்த சீசனில் நல்ல ஃபார்மில் உள்ளது. குரூப் சுற்றில் 5 போட்டிகளில் விளையாடிய தமிழ்நாடு அணி நான்கு போட்டியில் வென்று ஏ பிரிவில் முதலிடத்தில் நிறைவு செய்தது, கோவாவுடன் மட்டும் தோல்வியை தழுவியது. 

தமிழ்நாடு அணியில் ஜெகதீசன், ஹரி நிஷாந்த், சாய் கிசோர், முகமது ஆகியோர் நல்ல ஃபார்மில் உள்ளனர். ஆனால் அனைவரின் கவனமும் வேகப்பந்துவீச்சாளர் நடராஜன் மீதே உள்ளது.

அதேசமயம் டி பிரிவில் இடம்பிடித்துள்ள கேரளா அணி விளையாடிய 5 போட்டிகளில் மூன்றில் வென்று 12 புள்ளிகளுடன் 2ஆவது இடத்தில் உள்ளது. தற்போது அந்த அணி தொடர்ந்து 3 போட்டிகளில் வென்று நல்ல ஃபார்மில் உள்ளது. 

கேரள அணியில் சஞ்சு சாம்சன், அசாருதீன், ஜலாஜ் சக்சேனா, மிதுன் ஆகியோர் தமிழக அணிக்கு நெருக்கடியை தருவார்கள் என எதிர்பார்க்கப்படுகிறது

சையது முஸ்தாக் அலி தொடரில் இவ்விரு அணிகளுக்கு இடையே கடைசியாக நடைபெற்ற 5 போட்டிகளில் தமிழ்நாடு அணி நான்கு போட்டியில் வென்றுள்ளது. இதனால் நாளைய போட்டியில் யார் வெற்றிபெறுவர் என்ற எதிர்பார்ப்பு அதிகரித்துள்ளது. 

உத்தேச அணி 
தமிழ்நாடு அணி: ஜெகதீசன், ஹரி நிஷாந்த், பாபா அப்ரஜித், விஜய் சங்கர்(கே), ஷாரூக்கான், சஞ்சய் யாதவ், நடராஜன், முகமது, சாய் கிஷோர், எம்.அஸ்வின், சந்தீப் வாரியர்.

கேரள அணி: ரோஹன் குன்னும்மாள், முகமது அசாருதீன், சச்சின் பேபி, சஞ்சு சாம்சன் (கே), சுரேஷ் விஸ்வேஷ்வர், ஜலஜ் சக்சேனா, விஷ்ணு வினோத், சஜீவன் அகில், சுதேசன் மிதுன், பாசில் தம்பி, உன்னிகிருஷ்ணன் மனுகிருஷ்ணன்.

Win Big, Make Your Cricket Tales Now