தென் ஆப்பிரிக்கா vs இங்கிலாந்து, முதல் ஒருநாள் - போட்டி முன்னோட்டம் & ஃபேண்டஸி லெவன்!

தென் ஆப்பிரிக்கா - இங்கிலாந்து அணிகளுக்கு இடையேயான முதலாவது ஒருநாள் போட்டி நாளை நடைபெறுகிறது.

South Africa vs England, 1st ODI – SA vs ENG Cricket Match Preview, Prediction, Where To Watch, Prob (Image Source: Google)

தென் ஆப்பிரிக்காவில் சுற்றுப்பயணம் மேற்கொண்டுள்ள இங்கிலாந்து அணி மூன்று போட்டிகள் கொண்ட ஒருநாள் தொடரில் விளையாடுகிறது. இதில் இரு அணிகளுக்கும் இடையேயான முதலாவது ஒருநாள் போட்டி நாளை நடைபெறுகிறது.

இத்தொடரில் வெற்றிபெற்றால் மட்டுமே தென் ஆப்பிரிக்க அணியால், நடப்பாண்டு உலகக்கோப்பை தொடரில் நேரடியாக நுழையமுடியும். ஒருவேளை தொடரை இழந்தால் தென் ஆப்பிரிக்க அணி தகுதிச்சுற்று போட்டிகளில் பங்கேற்க வேண்டிய நிலை ஏற்படும். இதனால் இப்போட்டியின் மீதான எதிர்பார்ப்புகள் அதிகரித்துள்ளனர். 

போட்டி தகவல்கள்

• மோதும் அணிகள் - தென் ஆப்பிரிக்கா vs இங்கிலாந்து
• இடம் - மங்காங் ஓவல், ப்ளூம்ஃபோன்டைன்
• நேரம் - மாலை 4.30 மணி (இந்திய நேரப்படி)

போட்டி முன்னோட்டம்

டெம்பா பவுமா தலைமையிலான தென் ஆப்பிரிக்க அணி கடந்த சில ஆண்டுகளாக ஒருநாள் கிரிக்கெட் தொடரில் தடுமாறி வருகிறது. அதனால் அந்த அணியின் கேப்டன் மீது பல்வேறு விமர்சனங்களும் எழுந்தன. இருப்பினும் அதனை மாற்றியெழுத டெம்பா பவுமா இத்தொடரில் சிறப்பாக செயல்பட வேண்டிய கட்டாயத்தில் உள்ளர்.

அணியின் பேட்டிங்கைப் பொறுத்தவரையில் குயின்டன் டி காக், டேவிட் மில்லர், ஐடன் மார்க்ரம், ஜென்மேன் மாலன், ரஸ்ஸி வெண்டர் டுசென் ஆகியோரையும், பந்துவீச்சில் காகிசோ ரபாடா, ஆண்ட்ரிச் நோர்ட்ஜே, லுங்கி இங்கிடி, வெய்ன் பார்னெல் போன்ற வேகப்பந்துவீச்சாளர்களுடன் கேசவ் மகாராஜ், ஐடன் மார்க்ரம் ஆகியோரும் இருப்பது அணியை வலிமைப்படுத்துகிறது.

ஜோஸ் பட்லர் தலைமையிலான இங்கிலாந்து அணி கடந்த ஒருநாள் உலகக்கோப்பையைக் கைப்பற்றிய கையோடு, டி20 உலகக்கோப்பையையும் கைப்பற்றி அசத்தியுள்ளது. இந்நிலையில் இந்தாண்டு ஒருநாள் உலகக்கோப்பை நடைபெறவுள்ளதால் அதற்கு தயாராகும் வகையில் இத்தொடரை இங்கிலாந்து அணி எதிர்கொள்கிறது.

அணியின் பேட்டிங்கில் ஜோஸ் பட்லர், ஜேசன் ராய், டேவிட் மாலன், ஹாரி ப்ரூக், பிலிப் சால்ட், மொயீன் அலி, சாம் கரண் ஆகியோரும், பந்துவீச்சில் ஜோஃப்ரா ஆர்ச்சர், ஒல்லி ஸ்டோன், சாம் கரண், ஆதில் ரஷித் போன்ற நட்சத்திர வீரர்களும் உள்ளது அணிக்கு பெரும் பலமாக பார்க்கப்படுகிறது.

நேருக்கு நேர்

• மோதிய போட்டிகள் - 66
• தென் ஆப்பிரிக்கா - 31
• இங்கிலாந்து - 29
• டிரா - 01
• முடிவில்லை - 05

உத்தேச லெவன்

தென் ஆப்பிரிக்கா - குயின்டன் டி காக், ஜன்னெமன் மாலன், டெம்பா புவுமா (கே), ஐடன் மார்க்ரம், டேவிட் மில்லர், ரஸ்ஸி வான் டெர் டுசென், வெய்ன் பார்னெல், கேசவ் மகாராஜ், லுங்கி இங்கிடி, ககிசோ ரபாடா, அன்ரிச் நோர்ட்ஜே.

இங்கிலாந்து - ஜேசன் ராய், டேவிட் மாலன், ஜோஸ் பட்லர் (கே), ஹாரி புரூக், பிலிப் சால்ட், மொயின் அலி, சாம் கரன், டேவிட் வில்லி, ஜோஃப்ரா ஆர்ச்சர், ஒல்லி ஸ்டோன், ஆதில் ரஷித்.

ஃபேண்டஸி லெவன்

• விக்கெட் கீப்பர்கள் - ஜோஸ் பட்லர், குயின்டன் டி காக்
• பேட்டர்ஸ் - ராஸ்ஸி வான் டெர் டுசென், ஜேசன் ராய், ஜான்மேன் மலன்
• ஆல்-ரவுண்டர்கள் - மொயின் அலி, சாம் கரன்
• பந்துவீச்சாளர்கள் - கேசவ் மஹராஜ், ஜோஃப்ரா ஆர்ச்சர், ககிசோ ரபாடா, அன்ரிச் நோர்ட்ஜே.

Win Big, Make Your Cricket Tales Now