இந்தியா - இலங்கை மகளிர் கிர்க்கெட் தொடர்; போட்டி ஒளிபரப்பில் நீடிக்கும் சர்ச்சை!
இந்தியா - இலங்கை மகளிர் அணிகளுக்கு இடையேயான கிரிக்கெட் தொடரை ஒளிபரப்பு எந்த தொலைக்காட்சி நிறுவனமும் முன்வரவில்லை என தகவல் வெளியாகியுள்ளது.
இந்நிலையில் இத்தொடருக்கான இலங்கை மகளிர் அணி இன்று அறிவிக்கப்பட்டுள்ளது. இந்த அணியை சமாரி அத்தபத்து வழிநடத்துகிறார்.
Trending
இலங்கை அணி: சாமரி அதபத்து (கேப்டன்), ஹாசினி பெரேரா, கவிஷா தில்ஹாரி, நிலக்ஷி டி சில்வா, அனுஷ்கா சஞ்சீவனி, ஓஷதி ரணசிங்க, சுகந்திகா குமாரி,இனோகா ரணவீர, அச்சினி குலசூரிய, ஹர்ஷித சமரவிக்ரம, விஷ்மி குணரத்ன, மல்ஷா ஷெஹானி, அமா காஞ்சனா, உதேஷிகா பிரபோதனி, ரஷ்மி டி சில்வா, ஹன்சிமா கருணாரத்ன, கௌஷானி நுத்யங்கனா, சத்திய சந்தீபனி, தாரிகா செவ்வந்தி.
இந்நிலையில் தற்போதைய நிலவரப்படி இரு அணிகளும் விளையாடும் டி20 மற்றும் ஒருநாள் தொடர்கள் எந்தத் தொலைக்காட்சியில் ஒளிபரப்பாகும் என்பது யாருக்கும் தெரியாது.
இதுபற்றி இலங்கை கிரிக்கெட் வாரியத்தின் தலைமைச் செயல் அதிகாரி ஆஷ்லி டி சில்வா ஒரு பேட்டியில் கூறியதாவது, “தொலைக்காட்சி ஒளிபரப்பு பற்றி எங்களுக்கு உறுதியாகத் தெரியவில்லை. எனினும் யூடியூப் தளத்தில் நேரலையாக ஒளிபரப்ப ஏற்பாடுகள் நடைபெற்று வருகின்றன” என்றார்.
இந்தியாவில் இலங்கை கிரிக்கெட் ஆட்டங்களை ஒளிபரப்பும் சோனி நிறுவனம், இந்தத் தொடரை ஒளிபரப்புவது குறித்து இதுவரை எவ்விதத் தகவலும் தெரிவிக்கவில்லை. இதனால் மகளிர் கிரிக்கெட்டுக்கு பிசிசிஐ முக்கியத்துவம் அளிக்கவில்லை எனப் பலரும் சமூகவலைத்தளங்களில் விமர்சனம் செய்துள்ளார்கள்.
டி20 தொடர் ஆரம்பிக்க இன்னும் இரு நாள்களே உள்ள நிலையில் பிசிசிஐ ஏதாவது முயற்சி செய்து இந்திய மகளிர் அணி விளையாடும் ஆட்டங்களைத் தொலைக்காட்சியில் காண்பதற்கான ஏற்பாடுகளைச் செய்யவேண்டும் என்பதே பலருடைய கோரிக்கையாக உள்ளது.
Win Big, Make Your Cricket Tales Now
