உலக டெஸ்ட் சாம்பியன்ஷிப் 2025: ஆறாம் இடத்திற்கு முன்னேறியது இலங்கை!

வங்கதேச அணிக்கு எதிரான வெற்றியின் மூலம் உலக டெஸ்ட் சாம்பியன்ஷிப் புள்ளிப்பட்டியளில் இலங்கை அணி முன்னேற்றம் கண்டுள்ளது.

உலக டெஸ்ட் சாம்பியன்ஷிப் 2025: ஆறாம் இடத்திற்கு முன்னேறியது இலங்கை! (Image Source: Google)

வங்கதேசத்தில் சுற்றுப்பயணம் செய்துவரும் இலங்கை அணி மூன்று டி20, மூன்று ஒருநாள் மற்றும் இரண்டு டெஸ்ட் போட்டிகள் கொண்ட தொடரில் விளையாடி வருகிறது. இதில் டி20 தொடரை இலங்கை அணி கைப்பற்றிய நிலையில், ஒருநாள் தொடரை வங்கதேச அணி கைப்பற்றி அசத்தியது. இதைனையடுத்து இரு அணிகளுக்கும் இடையேயான இரண்டு போட்டிகள் கொண்ட டெஸ்ட் தொடர் நடைபெற்று வருகிறது. 

அதன்படி மார்ச் 22ஆம் தேதி சில்ஹெட்டில் நடைபெற்ற இரு அணிகளுக்கும் இடையேயான முதலாவது டெஸ்ட் போட்டியில் இலங்கை அணி 328 ரன்கள் வித்தியாசத்தில் வெற்றிபெற்று அசத்தியது. இந்த வெற்றியின் மூலம் இரண்டு போட்டிகள் கொண்ட டெஸ்ட் தொடரில் இலங்கை அணி 1-0 என்ற கணக்கில் முன்னிலையும் பெற்றுள்ளது. இதையடுத்து இரு அணிகளுக்கும் இடையேயான இரண்டாவது டெஸ்ட் போட்டி மார்ச் 30ஆம் தேதி சட்டோகிராமில் தொடங்கவுள்ளது. 

இந்நிலையில் உலக டெஸ்ட் சாம்பியன்ஷிப் தொடரின் அங்கமாக இத்தொடர் நடைபெற்றுவருவதால், இப்போட்டியின் முடிவுக்கு பிறகு புதுப்பிக்கப்பட்ட அட்டவணையை ஐசிசி இன்று வெளியிட்டுள்ளது. அதன்படி இந்திய அணி 68.51 சதவீத புள்ளிகளுடன் முதலிடத்தையும், ஆஸ்திரேலிய அணி 62.50 புள்ளிகளுடன் இரண்டாம் இடத்தையும், நியூசிலாந்து அணி 50 சதவீத புள்ளிகளுடன் மூன்றாம் இடத்திலும் தொடர்கின்றனர்.

அதைத்தொடர்ந்து 36.66 புள்ளிகளுடன் பாகிஸ்தான் நான்காம் இடத்தையும், 33.33 புள்ளிகளுடன் வெஸ்ட் இண்டீஸ் அணி 5ஆம் இடத்தையும் பிடித்துள்ளன. இதில் வங்கதேச அணிக்கு எதிரான முதல் டெஸ்ட் போட்டியில் வெற்றிபெற்றுள்ள இலங்கை அணி 33.33 புளிகளுடன் 6ஆம் இடத்திற்கு முன்னேறியுள்ளது. அதேசமயம் வங்கதேச அணியும் 33.33 புள்ளிகளுடன் 7ஆம் இடத்தில் நீடித்தி வருகிறது. 

இப்பட்டியளின் கடைசி இரண்டு இடங்களில் தென் ஆப்பிரிக்கா மற்றும் இங்கிலாந்து அணிகள் இடம்பிடித்துள்ளன. இதனால் இலங்கை அணி வங்கதேச அணிக்கு எதிரான இரண்டாவது டெஸ்ட் போட்டியிலும் வெற்றிபெறும் பட்சத்தில் அந்த அணி 4ஆம் இடத்திற்கு முன்னேறும் வாய்ப்பும் உருவாகியுள்ளது குறிப்பிடத்தக்கது. 

Win Big, Make Your Cricket Tales Now