இலங்கை அணியுடன் டி20, ஒருநாள் தொடரில் விளையாடும் நியூசிலாந்து!

எதிர்வரும் நவம்பர் மாதம் நியூசிலாந்து அணி இலங்கையில் சுற்றுப்பயணம் மேற்கொண்டு 2 போட்டிகள் கொண்ட டி20 தொடரிலும், 3 போட்டிகள் கொண்ட ஒருநாள் தொடரிலும் விளையாடவுள்ளது.

இலங்கை அணியுடன் டி20, ஒருநாள் தொடரில் விளையாடும் நியூசிலாந்து! (Image Source: Google)

By Bharathi Kannan
Oct 14, 2024 • 10:59 PM

நியூசிலாந்து அணி சமீபத்தில் இலங்கையில் சுற்றுப்பயணம் மேற்கொண்டு 2 போட்டிகள் கொண்ட டெஸ்ட் தொடரில் விளையாடியது. இந்த இரண்டு போட்டிகளிலும் இலங்கை அணி வெற்றிபெற்றதுடன், 2-0 என்ற கணக்கில் நியூசிலாந்தை ஒயிட்வாஷ் செய்து அசத்தியதுடன், தொடரையும் வென்றது.

By Bharathi Kannan
October 14, 2024 • 10:59 PM

இதனையடுத்து நியூசிலாந்து அணி இந்தியாவில் சுற்றுப்பயணம் செய்து 3 போட்டிகள் கொண்ட டெஸ்ட் தொடரில் விளையாடவுள்ளது. இதற்காக டாம் லேதம் தலைமையிலான நியூசிலாந்து அணியையும் அந்நாட்டு கிரிக்கெட் வாரியம் சமீபத்தில் அறிவித்தது. இதனையடுத்து இந்தியா - நியூசிலாந்து அணிகளுக்கு இடையேயான முதல் டெஸ்ட் போட்டியானது நாளை மறுநாள் பெங்களூருவில் உள்ள எம் சின்னசாமி கிரிக்கெட் மைதானத்தில் தொடங்கவுள்ளது.

இப்போட்டிக்காக இரு அணி வீரர்கள் தீவிரமாக தயாராகி வருகின்றன. இந்நிலையில் இத்தொடர் தொடங்குவதற்கு முன்னரே நியூசிலாந்து அணியின் அடுத்த சுற்றுப்பயணத்திற்கான அறிவிப்பு ஒன்று வெளியாகி ரசிகர்களை மகிழ்ச்சியடைய செய்துள்ளது. அதன்படி நியூசிலாந்து அணி எதிர்வரும் நவம்பர் மாதம் இலங்கையில் சுற்றுப்பயணம் மேற்கொண்டு 2 போட்டிகள் கொண்ட டி20 தொடரிலும், 3 போட்டிகள் கொண்ட ஒருநாள் தொடரிலும் விளையாடவுள்ளது.

அதன்படி இரு அணிகளுக்கும் இடையேயான டி20 தொடரானது நவம்பர் 09ஆம் தேதி முதலும், ஒருநாள் தொடரானது நவம்பர் 13ஆம் தேதி முதலும் நடைபெறவுள்ளது. இதில் டி20 தொடரின் இரண்டு போட்டிகளும் தம்புளாவில் நடைபெறவுள்ளது. அதேசமயம் ஒருநாள் தொடரின் முதல் போட்டி மட்டும் தம்புளாவில் நடைபெறவுள்ள நிலையில், இரண்டாவது மற்றும் மூனறாவது ஒருநாள் போட்டிகள் பல்லகலேவில் நடைபெறும் என இலங்கை கிரிக்கெட் வாரியம் அறிவித்துள்ளது.

Also Read: Funding To Save Test Cricket

இலங்கை - நியூசிலாந்து தொடர் அட்டவணை