பத்தாவது விக்கெட்டிற்கு அதிக ரன்கள் பார்ட்னர்ஷிப் - ஸ்டார்க், ஹேசில்வுட் சாதனை!
தென் ஆப்பிரிக்க அணிக்கு எதிரான உலக டெஸ்ட் சாம்பியன்ஷிப் இறுதிப்போட்டியில் ஆஸ்திரேலிய அணியின் மிட்செல் ஸ்டார்க் - ஜோஷ் ஹேசில்வுட் இணை புதிய சாதனை படைத்துள்ளனர்.
பத்தாவது விக்கெட்டிற்கு அதிக ரன்கள் பார்ட்னர்ஷிப் - ஸ்டார்க், ஹேசில்வுட் சாதனை! (Image Source: Google)
அந்த அணியில் இறுதிவரை ஆட்டமிழக்காமல் இருந்த மிட்செல் ஸ்டார்க் 5 பவுண்டரிகளுடன் 56 ரன்களையும், அலெக்ஸ் கேரியும் 5 பவுண்டரிகளுடன் 43 ரன்களை எடுத்ததை தவிர்த்து மற்ற வீரர்கள் யாரும் பெரிதளவில் ரன்களைச் சேர்க்கவில்லை. இதனால் அந்த அணி இரண்டாவது இன்னிங்ஸில் 207 ரன்களைச் சேர்த்து ஆல் அவுட்டானது. இதையடுத்து 282 ரன்கள் எடுத்தால் வெற்றி என்ற இலக்கை நோக்கி தென் ஆப்பிரிக்க அணியானது விளையாடி வருகிறது.
இந்நிலையில் இப்போட்டியில் ஆஸ்திரேலிய அணியைச் சேர்ந்த மிட்செல் ஸ்டார்க் மற்றும் ஜோஷ் ஹேசில்வுட் இணை சிறப்பு சாதனையை படைத்துள்ளனர். அதன்படி இவர்கள் இருவரும் கடைசி விக்கெட்டிற்கு 59 ரன்கள் பார்ட்னர்ஷிப் அமைத்து அசத்தினர். இதன்மூலம் ஐசிசி தொடரின் இறுதிப் போட்டிகளின் வரலாற்றில் பத்தாவது விக்கெட்டுக்கு 50 அல்லது அதற்கு மேற்பட்ட ரன்களை பார்ட்னர்ஷிப் முறையில் அமைத்த முதல் ஜோடி எனும் சாதனையைப் படைத்துள்ளனர்.
முன்னதாக, 1975ஆம் ஆண்டு ஐசிசி ஒருநாள் உலகக் கோப்பை தொடரின் இறுதிப் போட்டியில் ஆஸ்திரேலியாவின் டென்னிஸ் லில்லி மற்றும் ஜெஃப் தாம்சன் பத்தாவது விக்கெட்டுக்கு 41 ரன்கள் பார்ட்னர்ஷிப் அமைத்ததே இதுநாள் வரை சாதனையாக இருந்தது குறிப்பிடத்தக்கது.
தென் அப்பிரிக்க பிளேயிங் லெவன்: ஐடன் மார்க்ரம், ரியான் ரிக்கல்டன், வியான் முல்டர், டெம்பா பவுமா (கேட்ச்), டிரிஸ்டன் ஸ்டப்ஸ், டேவிட் பெடிங்ஹாம், கைல் வெர்ரேய்ன், மார்கோ ஜான்சன், கேசவ் மகாராஜ், ககிசோ ரபாடா, லுங்கி இங்கிடி
Also Read: LIVE Cricket Scoreஆஸ்திரேலியா பிளேயிங் லெவன்: உஸ்மான் கவாஜா, மார்னஸ் லபுஷாக்னே, கேமரூன் கிரீன், ஸ்டீவ் ஸ்மித், டிராவிஸ் ஹெட், பியூ வெப்ஸ்டர், அலெக்ஸ் கேரி, பாட் கம்மின்ஸ் (கேப்டன்), மிட்செல் ஸ்டார்க், நாதன் லியோன், ஜோஷ் ஹேசில்வுட்.
Advertisement
Win Big, Make Your Cricket Tales Now
கிரிக்கெட்: Tamil Cricket News
