லார்ட்ஸ் மைதானத்தில் அதிக ரன்கள்: வரலாறு படைத்த ஸ்டீவ் ஸ்மித்!
லார்ட்ஸ் கிரிக்கெட் மைதானத்தில் அதிக டெஸ்ட் ரன்களை அடித்த வெளிநாட்டு வீரர் எனும் சாதனையை ஆஸ்திரேலிய அணியின் ஸ்டீவ் ஸ்மித் படைத்துள்ளார்.
ஐசிசி உலக டெஸ்ட் சாம்பியன்ஷிப் 2025 தொடரின் இறுதிப்போட்டி லண்டனில் உள்ள லார்ட்ஸ் கிரிக்கெட் மைதானத்தில் நடைபெற்று வருகிறது. இப்போட்டியில் டாஸை இழந்து முதலில் பேட்டிங் செய்த ஆஸ்திரேலிய அணியின் டாப் ஆர்டர் வீரர்கள் உஸ்மான் கவாஜா, மார்னஸ் லபுஷாக்னே, கேமரூன் க்ரீன் மற்றும் டிராவிஸ் ஹெட் ஆகியோர் அடுத்தடுத்து சொற்ப ரன்களுக்கு விக்கெட்டுகளை இழந்து ஏமாற்றமளித்தனர்.
இதையடுத்து ஜோடி சேர்ந்த ஸ்டீவ் ஸ்மித் - பியூ வெப்ஸ்டர் இணை பொறுப்பான ஆட்டத்தை வெளிப்படுத்தியதுடன் இருவரும் அரைசதம் கடந்தும் அசத்தினர். அதன்பின் ஸ்டீவ் ஸ்மித் 66 ரன்களுக்கும், பியூ வெப்ஸ்டர் 72 ரன்களுக்கும் என விக்கெட்டை இழக்க, அடுத்து களமிறங்கிய வீரர்களும் சோபிக்க தவறினர். இதனால் ஆஸ்திரேலிய அணி முதல் இன்னிங்ஸில் 212 ரன்களை மட்டுமே எடுத்த நிலையில் ஆல் அவுட்டானது.
இந்நிலையில் இப்போட்டியில் ஸ்டீவ் ஸ்மித் அரைசதம் கடந்ததன் மூலம் சில சாதனைகளையும் பதிவுசெய்துள்ளர். அதன்படி இங்கிலாந்து மண்ணில் அதிக 50+ ஸ்கோர்களை அடித்த வெளிநாட்டு வீரர் எனும் சாதனையை ஸ்மித் படைத்துள்ளார். முன்னதாக வெஸ்ட் இண்டீஸ் ஜாம்பவான் விவியன் ரிச்சர்ட்ஸ் 17 முறை 50+ ஸ்கோர்களை அடித்ததே சாதனையாக இருந்த நிலையில், தற்போது ஸ்டீவ் ஸ்மித் 18 முறை 50+ ஸ்கோரை பதிவுசெய்து புதிய சாதனை படைத்துள்ளார்.
டெஸ்ட் கிரிக்கெட்டில் அதிக முறை 50+ ஸ்கோர்களை எடுத்த வெளிநாட்டு வீரர்கள் (இங்கிலாந்தில்)
- ஸ்டீவ் ஸ்மித் (ஆஸ்திரேலியா) – 18
- விவ் ரிச்சர்ட்ஸ் (வெஸ்ட் இண்டீஸ்) – 17
- ஆலன் பார்டர் (ஆஸ்திரேலியா) – 17
- டான் பிராட்மேன் (ஆஸ்திரேலியா) – 14
- கார்ஃபீல்ட் சோபர்ஸ் (வெஸ்ட் இண்டீஸ்) – 14
இதுதவிர்த்து லார்ட்ஸ் கிரிக்கெட் மைதானத்தில் அதிக டெஸ்ட் ரன்களை அடித்த வெளிநாட்டு வீரர்கள் பட்டியலிலும் முன்னாள் வீரர் வாரன் பாட்ஸ்லியின் சாதனையை முறியடித்துள்ளார். முன்னதாக லார்ட்ஸ் கிரிக்கெட் மைதானத்தில் வாரன் பார்ட்ஸ்லி 575 ரன்களை எடுத்ததே சாதனையாக இருந்த நிலையில், தற்போது ஸ்டீவ் ஸ்மித் 591 ரன்களைக் குவித்து இந்த பட்டியலில் முதலிடம் பிடித்துள்ளார்.
லார்ட்ஸில் அதிக டெஸ்ட் ரன்கள் எடுத்த வெளிநாட்டு வீரர்:
- ஸ்டீவ் ஸ்மித் (ஆஸ்திரேலியா) - 576*
- வாரன் பார்ட்ஸ்லி (ஆஸ்திரேலியா) - 575
- கார்ஃபீல்ட் சோபர்ஸ் (வெஸ்ட் இண்டீஸ்) - 571
- டான் பிராட்மேன் (ஆஸ்திரேலியா) - 551
- ஷிவ்நரைன் சந்தர்பால் (வெஸ்ட் இண்டீஸ்) - 512
தென் அப்பிரிக்க பிளேயிங் லெவன்: ஐடன் மார்க்ரம், ரியான் ரிக்கல்டன், வியான் முல்டர், டெம்பா பவுமா (கேட்ச்), டிரிஸ்டன் ஸ்டப்ஸ், டேவிட் பெடிங்ஹாம், கைல் வெர்ரேய்ன், மார்கோ ஜான்சன், கேசவ் மகாராஜ், ககிசோ ரபாடா, லுங்கி இங்கிடி
Also Read: LIVE Cricket Score
ஆஸ்திரேலியா பிளேயிங் லெவன்: உஸ்மான் கவாஜா, மார்னஸ் லபுஷாக்னே, கேமரூன் கிரீன், ஸ்டீவ் ஸ்மித், டிராவிஸ் ஹெட், பியூ வெப்ஸ்டர், அலெக்ஸ் கேரி, பாட் கம்மின்ஸ் (கேப்டன்), மிட்செல் ஸ்டார்க், நாதன் லியோன், ஜோஷ் ஹேசில்வுட்.
Win Big, Make Your Cricket Tales Now
