மகளிர் உலகக்கோப்பை 2022: வங்கதேசத்தை வீழ்த்தியது நியூசிலாந்து!

மகளிர் உலகக்கோப்பை 2022: வங்கதேச அணிக்கெதிரான லீக் ஆட்டத்தில் நியூசிலாந்து அணி 9 விக்கெட் வித்தியாசத்தில் வெற்றிபெற்றது.

மகளிர் உலகக்கோப்பை தொடரில் இன்று நடைபெற்ற லீக் அட்டத்தில் நியூசிலாந்து - வங்கதேச அணிகள் பலப்பரீட்சை நடத்தின. இப்போட்டி தொடங்குவதற்கு முன்னதாக மழை பெய்த காரணத்தில் ஆட்டம் 27 ஓவர்களாக குறைக்கப்பட்டது. 

இப்போட்டியில் டாஸ் வென்ற நியூசிலாந்து அணி முதலில் பந்துவீச தீர்மானித்தது. அதன்படி களமிறங்கிய வங்கதேச அணி 27 ஓவர்கள் முடிவில் 7 விக்கெட்டுகளை இழந்து 140 ரன்களைச் சேர்த்தது.

அந்த அணியில் அதிகபட்சமாக ஃபர்கானா ஹோக் 52 ரன்களைச் சேர்த்தார். நியூசிலாந்து தரப்பில் ஏமி சத்தர்வைட் 3 விக்கெட்டுகளைக் கைப்பற்றினார்.

இதையடுத்து இலக்கை துரத்திய நியூசிலாந்து அணியில் கேப்டன் சோஃபியா டிவைன் 14 ரன்களில் ஆட்டமிழந்தார். 

அதன்பின் ஜோடி சேர்ந்த சூஸி பேட்ஸ் - அமிலிய கெர் இணை அதிரடியாக விளையாடி அணியின் ஸ்கோரை உயர்த்தினர். இதில் சூஸி பேட்ஸ் அரைசதம் கடந்தார்.

இதன்மூலம் நியூசிலாந்து மகளிர் அணி 20 ஓவர்களில் இலக்கை எட்டி 9 விக்கெட் வித்தியாசத்தில் வங்கதேச மகளிர் அணியை வீழ்த்தியது. இப்போட்டியில் இறுதிவரை ஆட்டமிழக்காமல் இருந்த சூஸி பேட்ஸ் 79 ரன்களைச் சேர்த்தார்.

Win Big, Make Your Cricket Tales Now