டி10 லீக்: புள்ளிப்பட்டியலின் முதலிடத்திற்கு முன்னேறியது டீம் அபுதாபி!
டெக்கான் கிளாடியேட்டர்ஸ் அணிக்கெதிரான டி10 லீக் ஆட்டத்தில் டீம் அபுதாபி அணி 8 ரன்கள் வித்தியாசத்தில் வெற்றிபெற்று அசத்தியது.
இப்போட்டியில் டாஸ் வென்ற டெக்கான் அணி முதலில் பந்துவீசுவதாக முடிவுசெய்தது. அதன்படி களமிறங்கிய டீம் அபுதாபி அணி கேப்டன் லிவிங்ஸ்டோனின் அபாரமான அரைசதத்தினால் 10 ஓவர்களில் 4 விக்கெட் இழப்பிற்கு 125 ரன்களைச் சேர்த்தது.
Trending
இதில் அதிகபட்சமாக கேப்டன் லிவிங்ஸ்டோன் 59 ரன்களைச் சேர்த்தார். டெக்கான் அணியில் டைமல் மில்ஸ் 2 விக்கெட்டுகளைக் கைப்பற்றினார்.
அதன்பின் இலக்கைத் துரத்திய டெக்கான் அணி முதல் பந்திலேயே டாம் கொஹ்லரின் விக்கெட்டை இழந்தது. அவரைத் தொடர்ந்து மூர்ஸ் 16 ரன்களிலும், அன்வர் அலி 42 ரன்களிலும் ஆட்டமிழந்து வெளியேறினார்.
இதனால் கடைசி ஓவரில் அந்த அணி வெற்றிபெற 15 ரன்கள் தேவைப்பட்டது. அபுதாபி அணியின் ஜேமி ஓவர்டன் வீசிய அந்த ஓவரை எதிர்கொண்ட ஹசரங்காவால் 6 ரன்களை மட்டுமே எடுக்க முடிந்தது.
இதன்மூலம் டீம் அபுதாபி அணி 8 ரன்கள் வித்தியாசத்தில் டெக்கான் கிளாடியேட்டர்ஸ் அணியை வீழ்த்தியதுடன், டி10 லீக் புள்ளிப்பட்டியலில் 14 புள்ளிகளைப் பெற்று முதலிடத்தையும் பிடித்தது.
Win Big, Make Your Cricket Tales Now
