டி20 உலகக்கோப்பை: ஆஃப்கானிஸ்தானை வீழ்த்தி ஹாட்ரிக் வெற்றியைப் பெற்றது பாகிஸ்தான்!

டி20 உலகக்கோப்பை: ஆஃப்கானிஸ்தான் அணிக்கெதிரான லீக் ஆட்டத்தில் பாகிஸ்தான் அணி 5 விக்கெட் வித்தியாசத்தில் வெற்றிபெற்று அசத்தியது.

ஐக்கிய அரபு அமீரகத்தில் நடைபெற்று வரும் டி20 உலகக்கோப்பை தொடரின் 24ஆவது லீக் ஆட்டத்தில் ஆஃப்கானிஸ்தான் - பாகிஸ்தான் அணிகள் மோதின. 

இதில் டாஸ் வென்று முதலில் பேட்டிங் செய்த ஆஃப்கானிஸ்தான் அணி கேப்டன் முகமது நபி, குலாபுதின் நைம் ஆகியோரது சிறப்பாக பேட்டிங்கால் 20 ஓவர்கள் முடிவில் 6 விக்கெட்டுகளை இழந்து 147 ரன்களைச் சேர்த்தது. 

இதில் அதிகபட்சமாக கேப்டம் முகமது நபி 35 ரன்களையும், குலாபுதின் நைப் 35 ரன்களையும் சேர்த்தனர். பாகிஸ்தான் அணி தரப்பில் இமாத் வாசிம் 2 விக்கெட்டுகளைக் கைப்பற்றினார். 

இதையடுத்து இலக்கை துரத்திய பாகிஸ்தான் அணியின் அதிரடி வீரர் முகமது ரிஸ்வான் 8 ரன்களில் ஆட்டமிழந்து ஏமாற்றமளித்தார். அதன்பின் ஜோடி சேர்ந்த கேப்டன் பாபர் ஆசாம் - ஃபகர் ஸமான் இணை அதிரடியாக விளையாடி ஸ்கோரை உயர்த்தியது. 

இதில் 30 ரன்களில் ஃபகர் ஸமான் ஆட்டமிழக்க, அரைசதம் அடித்த கையோடு பாபர் ஆசாமும் விக்கெட்டை இழந்தார். அடுத்து வந்த முகமது ஹபீஸ், சோயிப் மாலிக் ஆகியோரும் சொற்ப ரன்களில் ஆட்டமிழந்தனர். 

இருப்பினும் அடுத்து களமிறங்கிய ஆசிஃப் அலி 19ஆவது ஓவரில் 4 சிக்சர்களை விளாசி அணியின் வெற்றியை உறுதிசெய்தார். இதன்மூலம் 19 ஓவர்களில் இலக்கை பாகிஸ்தான் அணி 5 விக்கெட் வித்தியாசத்தில் ஆஃப்கானிஸ்தானை வீழ்த்தியது. 

Win Big, Make Your Cricket Tales Now