BAN vs IRE, 1st T20I: அயர்லாந்தை வீழ்த்தி முன்னிலைப் பெற்றது வங்கதேசம்!

Taskin Ahmed bowled a brilliant spell to give Bangladesh a win in the first T20I! (Image Source: Google)

By Bharathi Kannan
Mar 27, 2023 • 07:21 PM

அயர்லாந்து அணி வங்கதேசத்தில் சுற்றுப்பயணம் செய்து விளையாடி வருகிறது. ஒருநாள் தொடரை வங்கதேச அணி வென்றது. அதைத்தொடர்ந்து டி20 தொடர் நடந்துவருகிறது. முதல் டி20 போட்டியில் டாஸ் வென்ற அயர்லாந்து அணி ஃபீல்டிங்கை தேர்வு செய்தது.

By Bharathi Kannan
March 27, 2023 • 07:21 PM

அதன்படி முதலில் பேட்டிங் செய்த வங்கதேச அணியின் தொடக்க வீரர்கள் லிட்டன் தாஸ் மற்றும் ரோனி ஆகிய இருவரும் இணைந்து அதிரடியாக விளையாடி   முதல் விக்கெட்டுக்கு 7.1 ஓவரில் 91 ரன்களை குவித்தனர். தொடர்ந்து அதிரடியாக பேட்டிங் செய்துவந்த லிட்டன் தாஸ் 23 பந்தில் 47 ரன்கள் ஆட்டமிழந்து அரைசதம் அடிக்கும் வாய்ப்பை தவறவிட்டார். 

இருப்பினும் மறுமுனையில் அதிரடியாக விளையாடிய ரோனி அரைசதத்தைப் பதிவுசெது அசத்தினார். அதன்பின் 38 பந்தில் 67 ரன்களைச் சேர்த்திருந்த ரோனி விக்கெட்டை இழந்தார். அதன்பின் ஷமிம் ஹுசைன் 30 ரன்கள், கேப்டன் ஷகிப் அல் ஹசன் 20 ரன்கள் அடிக்க, 19.2 ஓவரில் வங்கதேச அணி 207 ரன்கள் அடித்த நிலையில், மழை குறுக்கிட்டதால் முதல் இன்னிங்ஸ் அத்துடன் முடித்துக்கொள்ளப்பட்டது.

பின் மழை நின்று ஆட்டம் மீண்டும் தாமதமாக தொடங்கப்பட்டதால், டக்வொர்த் லூயிஸ் முறைப்படி அயர்லாந்து அணிக்கு 8 ஓவரில் 104 ரன்கள் என்ற இலக்கு நிர்ணயிக்கப்பட்டது. இந்த கடின இலக்கை விரட்டிய அயர்லாந்து அணியின் கேப்டன் பால் ஸ்டர்லிங் - ரோஸ் அதிர் இணை அதிரடியான தொடக்கத்தைக் கொடுத்தனர். 

பின் 17 ரன்களில் ஸ்டிர்லிங் ஆட்டமிழக்க, 13 ரன்களில் ரோஸ் அதிரும் ஆட்டமிழந்தார். அதன்பின் வந்த ஹாரி டெக்டர் 19, காரெத் டெலானி 21 ரன்கள் அடித்து ஓரளவு பங்களிப்பு செய்ய, மற்ற வீரர்கள் சோபிக்க தவறவினர். இதனால் 8 ஓவர்கள் முடிவில் அந்த அணியால் வெறும் 82 ரன்களை மட்டுமே எடுக்க முடிந்தது. 

இதன்மூலம் வங்கதேச அணி 22 ரன்கள் வித்தியாசத்தில் அயர்லாந்து அணியை வீழ்த்தி வெற்றிபெற்றதுடன், டி20 தொடரில் 1-0 என்ற கணக்கில் முன்னிலையும் பெற்றது.