ஐசிசி டி20 தரவரிசை: நம்பர் ஒன் இடத்திற்கு முன்னேறிய இந்தியா!

ஐசிசி டி20 கிரிக்கெட் தொடருக்கான தரவரிசையில் முதலிடத்தில் இருந்த இங்கிலாந்து 2ஆவது இடத்துக்கு தள்ளப்பட்டது.

Team India becomes No.1 ranked side in T20Is (Image Source: Google)

இந்தியா, வெஸ்ட் இண்டீஸ் அணிகளுக்கு இடையிலான 3வது டி20 போட்டி நேற்று கொல்கத்தாவில் நடைபெற்றது. 

முதலில் பேட் செய்த இந்தியா 5 விக்கெட் இழப்புக்கு 184 ரன்கள் குவித்தது. சூர்யகுமார் யாதவ் அதிரடியாக ஆடி 65 ரன்கள் எடுத்தார்.

அடுத்து ஆடிய வெஸ்ட் இண்டீஸ் 167 ரன்கள் மட்டுமே எடுத்தது. இதனால் 17 ரன்கள் வித்தியாசத்தில் இந்தியா அபார வெற்றி பெற்றது. மேலும், 3 போட்டிகள் கொண்ட டி20 கிரிக்கெட் தொடரை இந்தியா 3-0 என முழுமையாக கைப்பற்றி அசத்தியது.

இந்நிலையில், ஐசிசி வெளியிட்டுள்ள டி20 அணிகளுக்கான தரவரிசைப் பட்டியலில் இந்தியா முதல் இடத்துக்கு முன்னேறியுள்ளது. 6 ஆண்டுகளுக்கு பிறகு இந்தியா மீண்டும் முதலிடம் பிடித்துள்ளது.

ஏற்கனவே 2016 பிப்ரவரி 12 முதல் மே 3 வரை எம் எஸ் தோனி தலைமையில் இந்தியா முதல் இடத்தில் இருந்தது என்பது குறிப்பிடத்தக்கது. 

Win Big, Make Your Cricket Tales Now