தி ஹண்ட்ரட் மகளிர் 2024: சிக்ஸர் அடித்து ஆட்டத்தை முடித்த தீப்தி சர்மா; சாம்பியன் பட்டத்தை வென்றது லண்டன் ஸ்பிரிட்!
வேல்ஷ் ஃபையர் மகளிர் அணிக்கு எதிரான தி ஹண்ட்ரட் கிரிக்கெட் தொடரின் இறுதிப்போட்டியில் லண்டன் ஸ்பிரிட் மகளிர் அணி 4 விக்கெட் வித்தியாசத்தில் வெற்றிபெற்று அசத்தியதுடன், சாம்பியன் பட்டத்தையும் வென்று அசத்தியுள்ளது.
இங்கிலாந்தின் நடைபெற்று வந்த தி ஹண்ட்ரட் மகளிர் கிரிக்கெட் தொடரானது இன்றுடன் நிறைவடைந்தது. இதில் இன்று நடைபெற்ற இறுதிப்போட்டியில் வேல்ஷ் ஃபையர் மற்றும் லண்டன் ஸ்பிரிட் அணிகள் பலப்பரீட்சை நடத்தின. இப்போட்டியில் முதலில் பேட்டிங் செய்த வேல்ஷ் ஃபையர் அணியில் சோஃபி டங்க்லி 2 ரன்களில் ஆட்டமிழந்து ஏமாற்றமளித்தார். அதன்பின் இணைந்த கேப்டன் டாமி பியூமண்ட் மற்றும் ஹீலி மேத்யூஸ் இணை ஓரளவு தாக்குப்பிடித்து ஸ்கோரை உயர்த்தினர். பின் டாமி பியூமண்ட் 21 ரன்களில் விக்கெட்டை இழக்க, அடுத்து களமிறங்கிய சாரா பிரைஸும் ரன்கல் ஏதுமின்றி விக்கெட்டை இழந்தார்.
பின்னர் களமிறங்கிய ஜெஸ் ஜோனசன் ஒருபக்கம் அதிரடியான ஆட்டத்தை வெளிப்படுத்தி அணியின் ஸ்கோரை மளமளவென உயர்த்தினார். அதேசமயம் மறுமுனையில் விளையாடிய ஹீலி மேத்யூஸ் 22 ரன்களில் விக்கெட்டை இழக்க, பின்னர் களமிறங்கிய வீரர்களும் அடுத்தடுத்து சொற்ப ரன்களுக்கு ஆட்டமிழந்தனர். அதேசமயம் சிறப்பான ஆட்டத்தை வெளிப்படுத்தி வந்த ஜெஸ் ஜோனசன் அரைசதம் கடந்த கையோடு 54 ரன்களில் விக்கெட்டை இழந்தார். இதன்மூலம் வேல்ஷ் ஃபையர் இன்னிங்ஸ் முடிவில் 8 விக்கெட் இழப்பிற்கு 115 ரன்களைச் சேர்த்தது. லண்டன் அணி தரப்பில் எவா கிரே மற்றும் சாரா கிளென் ஆகியோர் அதலா 2 விக்கெட்டுகளை கைப்பற்றினர்.
Trending
இதனையடுத்து இலங்கை நோக்கி களமிறங்கிய லண்டன் ஸ்பிரிட் அணியில் அதிரடிய வீராங்கனை மெக் லெனிங் 4 ரன்களில் ஆட்டமிழக்க, அடுத்து களமிறங்கிய கோர்டெலியா கிரிஃபித் 10 ரன்களுக்கு ஆட்டமிழந்தனர். அதன்பின் இணைந்த ஜார்ஜியா ரெட்மெய்ன் - கேப்டன் ஹீதர் நைட் இணை ஓரளவு தாக்குப்பிடித்து விக்கெட் இழப்பை தடுத்து நிறுத்தினர். பின் ஹீதர் நைட் 24 ரன்களில் விக்கெட்டை இழக்க, அடுத்து வந்த டேனியல் கிப்சன் 22 ரன்களில் விக்கெட்டை இழந்தார். அதன்பின் அரைசதம் அடிப்பார் என எதிர்பார்க்கப்பட்ட ஜார்ஜியா ரெட்மெய்னும் 34 ரன்களுடன் ஆட்டமிழந்தார்.
#TheHundred Women's Competition champions...
— The Hundred (@thehundred) August 18, 2024
LONDON SPIRIT! pic.twitter.com/z94I8YTc54
Also Read: Akram ‘hopes’ Indian Team Will Travel To Pakistan For 2025 Champions Trophy
இதனால் கடைசி 5 பந்துகளில் லண்டன் ஸ்பிரிட் அணி வெற்றிபெற 6 ரன்கள் தேவை என்ற நிலை ஏற்பட்டதும் இப்போட்டியில் எந்த அணி வெற்றிபெறும் என்ற பரபரப்பு தொற்றிக்கொண்டது. அதேசமயம் களத்தில் இருந்த தீப்தி சர்மா சிக்ஸர் அடித்து அணிக்கு வெற்றியைத் தேடிக்கொடுத்தார். இதன்மூலம் லண்டன் ஸ்பிரிட் அணியானது 98 பந்துகளில் இலக்கை எட்டியதுடன் 4 விக்கெட் வித்தியாசத்தில் வேல்ஷ் ஃபையர் அணியை வீழ்த்தி த்ரில் வெற்றியைப் பதிவுசெய்தது. இந்த வெற்றியின் மூலம் லண்டன் ஸ்பிரிட் அணியானது தி ஹண்ட்ரட் மகளிர் தொடரில் சாம்பியன் பட்டத்தை வென்று சாதனைப் படைத்துள்ளது.
Win Big, Make Your Cricket Tales Now
