இந்த தோல்விக்கான முழு பொறுப்பையும் நான் ஏற்கிறேன் - ஹர்திக் பாண்டிய!

இந்த தோல்விக்கான பொறுப்பை முழு பேட்டிங் யூனிட்டும் ஏற்க வேண்டும். அதற்கான முழு உரிமையையும் நான் எடுத்துக்கொள்கிறேன் என்று மும்பை இந்தியன்ஸ் கேப்டன் ஹர்திக் பாண்டியா கூறியுள்ளார்

இந்த தோல்விக்கான முழு பொறுப்பையும் நான் ஏற்கிறேன் - ஹர்திக் பாண்டிய! (Image Source: Google)

ஐபிஎல் தொடரில் நேற்று  நடைபெற்ற லீக் போட்டியில் லக்னோ சூப்பர் ஜெயண்ட்ஸ் மற்றும் மும்பை இந்தியன்ஸ் அணிகள் பலப்பரீட்சை நடத்தின. லக்னோவில் உள்ள ஏக்னா கிரிக்கெட் மைதானத்தில் நடைபெற்ற இப்போட்டியில் டாஸ் வென்ற மும்பை இந்தியன்ஸ் அணி முதலில் பந்துவீசுவதாக அறிவித்தது. 

அதன்படி களமிறங்கிய லக்னோ சூப்பர் ஜெயண்ட்ஸ் அணியின் தொடக்க வீரர்கள் மிட்செல் மார்ஷ் 60 ரன்களிலும், ஐடன் மார்க்ரம் 53 ரன்களிலும் என விக்கெட்டை இழக்க, அதிரடியாக விளையாடிய ஆயூஷ் பதோனியும் 30 ரன்களையும், டேவிட் மில்லர் 27ரன்களையும் சேர்த்தனர்.லக்னோ சூப்பர் ஜெயண்ட்ஸ் அணியானது 20 ஓவர்கள் முடிவில் 8 விக்கெட்டுகளை இழந்திருந்தாலும் 203 ரன்களைக் குவித்தது. மும்பை இந்தியன்ஸ் அணி தரப்பில் கேப்டன் ஹர்திக் பாண்டியா 5 விக்கெட்டுகளை வீழ்த்தினார். 

பின்னர் இலக்கை நோக்கி விளையாடிய மும்பை இந்தியன்ஸ் அணியில் சூர்யகுமார் யாதவ் 67 ரன்களையும், அதிரடியாக விளையாடிய நமன் தீர் 46 ரன்களையும் சேர்த்ததை தவிர்த்து மற்ற வீரர்கள் யாரும் பெரிதளவில் ரன்களைச் சேர்க்கவில்லை. இதனால் அந்த அணி 20 ஓவர்கள் முடிவில் 5 விக்கெட் இழப்பிற்கு 191 ரன்களை மட்டுமே சேர்த்தது. இதன்மூலம் லக்னோ சூப்பர் ஜெயண்ட்ஸ் அணியானது 12 ரன்கள் வித்தியாசத்தில் மும்பை இந்தியன்ஸ் அணியை வீழ்த்தி வெற்றிபெற்றது. 

இந்நிலையில் இந்த தோல்வி குறித்து பேசிய ஹர்திக் பாண்டியா, “இந்த தோல்வி ஏமாற்றமளிக்கிறது. உண்மையைச் சொல்லப் போனால், இந்த மைதானத்தில் நாங்கள் 10-15 ரன்கள் எதிகமாக கொடுத்துவிட்டோம். என்னுடைய பந்துவீச்சை நான் எப்போதும் எரசித்திருக்கிறேன். எனக்கு அதிக விருப்பங்கள் இல்லை என்று நினைக்கிறேன். நான் விக்கெட்டைப் படித்து சில புத்திசாலித்தனமான விருப்பங்களை முயற்சிக்கிறேன். நான் விக்கெட்டுகளுக்குச் செல்ல முயற்சிக்கவில்லை.

நான் டாட் பந்துகளை வீச முயற்சி செய்தேன், அதனை பேட்டர்கள் அதிக ரிஸ்க் எடுத்து விளையாட முயற்சி செய்யும் போது தங்கள் விக்கெட்டுகளை இழந்தனர். ஒரு பேட்டிங் யூனிட்டாக, நாங்கள் தவறிவிட்டோம் என்று நினைக்கிறேன். நாங்கள் ஒரு அணியாக வெற்றி பெறுகிறோம். நாங்கள் ஒரு அணியாக தோற்கிறோம். யாரையும் சுட்டிக்காட்ட விரும்பவில்லை. இந்த தோல்விக்கான பொறுப்பை முழு பேட்டிங் யூனிட்டும் ஏற்க வேண்டும். அதற்கான முழு உரிமையையும் நான் எடுத்துக்கொள்கிறேன்.

இப்போட்டியில் கிரிக்கெட்டில், சில நாள்கள் வரும். நீங்கள் முயற்சி செய்யும்போது ஆனால் அது நடக்காது. நல்ல கிரிக்கெட்டை விளையாடுங்கள். நான் அதை எளிமையாக வைத்திருக்க விரும்புகிறேன். சிறந்த முடிவுகளை எடுங்கள். பந்துவீச்சில் புத்திசாலித்தனமாக இருங்கள். பேட்டிங்கில் வாய்ப்புகளைப் பெறுங்கள். சில ஆக்ரோஷத்துடன் எளிய கிரிக்கெட்டை விளையாடுங்கள்” என்று தெரிவித்துள்ளார். 

Win Big, Make Your Cricket Tales Now