டி20 உலகக்கோப்பை: டேவன் கான்வே இடத்தில் செய்ஃபெர்ட்!

ஆஸ்திரேலிய அணிக்கெதிரான டி20 உலகக்கோப்பை இறுதிப்போட்டியில் டிம் செய்ஃபெர்ட் நியூசிலாந்து அணியில் இடம்பெறுவார் என்று அந்த அணி கேப்டன் கேன் வில்லியம்சன் உறுதிசெய்துள்ளார்.

Tim Seifert Will Replace Injured Devon Conway In The T20 World Cup Final Against Australia, Confirms (Image Source: Google)

டி20 உலகக்கோப்பை தொடரின் ஏழாவது சீசன் இறுதிக்கட்டத்தை எட்டியுள்ளது. இதில் கேன் வில்லியம்சன் தலைமையிலான நியூசிலாந்து அணியும், ஆரோன் ஃபிஞ்ச் தலைமையிலான ஆஸ்திரேலிய அணியும் மோதுகின்றன. 

இதுவரை இரு அணிகளுமே டி20 உலகக்கோப்பை தொடரை வென்றதில்லை என்பதால், எந்த அணி வெற்றிப்பெற்று கோப்பையைக் கைப்பற்றும் என்ற எதிர்பார்ப்பு அதிகரித்துள்ளது. 

இந்நிலையில், இங்கிலாந்துடனான போட்டியின் போது நியூசிலாந்து வீரர் டேவன் கான்வே காயமடைந்தார். அவருக்கு மேற்கொள்ளப்பட்ட மருத்துவ பரிசோதனையில் அவரது காயம் தீவிரமடைந்தது தெரியவந்தது. 

இதையடுத்து அவர் உலகக்கோப்பை தொடரின் இறுதிப்போட்டி மற்றும் இந்திய அணிக்கெதிரான தொடரிலிருந்து விலகுவதாக அறிவித்தார். இதனால் அவரது இடத்தில் யார் களமிறங்குவார் என்ற கேள்வி எழுந்தது. 

இந்நிலையில் டேவன் கான்வே இடத்தை டிம் செய்ஃபெர்ட் பூர்த்திசெய்வார் என நியூசிலாந்து கேப்டன் கேன் வில்லியம்சன் தெரிவித்துள்ளார். 

Win Big, Make Your Cricket Tales Now