டிஎன்பிஎல் 2021: லைக்கா கோவை கிங்ஸ் vs ரூபி திருச்சி வாரியர்ஸ் !
டிஎன்பிஎல் தொடரில் இன்று நடைபெறும் 5ஆவது லீக் ஆட்டத்தில் லைக்கா கோவை கிங்ஸ் அணி, ரூபி திருச்சி வாரியர்ஸ் அணியை எதிர்கொள்கிறது.
நடப்பு சீசனின் முதல் போட்டியில் விளையாடி லைக்கா கோவை கிங்ஸ் அணி அபாரமான பேட்டிங்கை வெளிப்படுத்தி அசத்தியிருந்தது. ஆனால் அப்போட்டியின் பாதியிலேயே மழை குறுக்கிட்டதால், ஆட்டம் கைவிடப்பட்டது ரசிகர்களுக்கு பெரும் ஏமாற்றமாக அமைந்தது.
Trending
அதனால் இன்றைய போட்டியில் வெற்றி பெற்று சீசனில் முதல் வெற்றியைப் பதிவு செய்ய கோவை அணி காத்திருக்கிறது. ஷாரூக் கான், சுதர்சன், கங்கா ஸ்ரீதர் ராஜு என அதிரடியான பேட்ஸ்மேன்கள் கோவை அணியில் உள்ளதால், நிச்சயம் இப்போட்டியை வெல்லும் என ரசிகர்கள் எதிர்பார்த்துள்ளனர்.
ரூபி திருச்சி வாரியர்ஸ் அணியைப் பொறுத்த வரை நடப்பு சீசனின் முதல் போட்டியில் நெல்லை ராயல் கிங்ஸ் அணியை வீழ்த்தி அபாரமான வெற்றியைப் பதிவுசெய்த உற்சாகத்துடன் இன்றைய போட்டியில் விளையாடவுள்ளது.
திருச்சி அணி பேட்டிங்கில் அவ்வளவாக செயல்படாவிட்டாலும், சுனில் சாம், சர்வன் குமார், மதிவண்ணன் ஆகியோர் பந்துவீச்சில் அசத்துவதால், இன்றைய போட்டியில் எதிரணிக்கு நிச்சயம் சவாலை வழங்குவர் என எதிர்பார்க்கப்படுகிறது.
அணி விவரம்
ரூபி திருச்சி வாரியர்ஸ்: ராகுல், ஆகாஷ் சும்ரா, எம்.இ யாழ் அருண் மோழி, எஸ் அனிருதா, எம் பொய்யாமொழி, ரஹில் எஸ் ஷா, எஸ் சந்தோஷ் சிவ், ஆண்டனி தாஸ்,ஆதித்யா கணேஷ், நிதிஷ் எஸ் ராஜகோபால், ஆர் கணேஷ், சுமந்த் ஜெயின், முகமது அட்னான் கான், பி சரவணா குமார், அமித் சாத்விக், ஜி ஹேமந்த் குமார், கே முகுந்த், கார்த்திக் சண்முகம், மதிவனன், கார்த்திக் ஆர், முரளி விஜய்.
லைக்கா கோவை கிங்ஸ்: பி ஷிஜித் சந்திரன், ஜே சுரேஷ்குமார், ஜே கௌஜித் சுபாஷ், கே விக்னேஷ், ஜி.ஆர்.மனிஷ், ஆர் கவின், ஜி அரவிந்த், வி கங்கா ஸ்ரீதர் ராஜு, யு முகிலேஷ், அபிஷேக் தன்வார், எம்.ஏ. அதீக் உர் ரஹ்மான், என் செல்வ குமரன், அஸ்வின் வெங்கடராமன், பி சாய் சுதர்சன், நிஷாந்த் குமார் ஆல்வார், ஷாருக் கான், சீனிவாசன் இ, தங்கராசு நடராஜன், கிரண் காஷ்யப், யுதீஸ்வரன் வி, ஆனந்தகுமார் எஸ், எஸ் அஜித் ராம்.
Win Big, Make Your Cricket Tales Now
