டிஎன்பிஎல் 2023:சன்னி சந்து அரைசதம்; திண்டுக்கல்லுக்கு 161 டார்கெட்!
திண்டுக்கல் டிராகன்ஸுக்கு எதிரான டிஎன்பிஎல் லீக் ஆட்டத்தில் முதலில் பேட்டிங் செய்த சேலம் ஸ்பார்ட்டன்ஸ் அணி 161 ரன்களை இலக்காக நிர்ணயித்துள்ளது.
அதன்படி களமிறங்கிய சேலம் ஸ்பார்ட்டன்ஸ் அணிக்கு அரவிந்த் மற்றும் கௌசிக் காந்தி இணை தொடக்கம் கொடுத்தனர். இதில் கௌசிக் காந்தி 7 ரன்களுக்கு விக்கெட்டை இழக்க, அடுத்து களமிறங்கி அதிரடி காட்டிய கவின் 4 பவுண்டரி, ஒரு சிக்சர் என 25 ரன்கள் எடுத்த நிலையில் ஆட்டமிழந்தார்.
Trending
அவரைத் தொடர்ந்து மற்றொரு தொடக்க வீரரான அரவிந்தும் 26 ரன்களுக்கு விக்கெட்டை இழந்தார். பின்னர் ஜோடி சேர்ந்த சன்னி சந்து - ஹரிஹரன் இணை சிறப்பான ஆட்டத்தை வெளிப்படுத்தி அணியை சரிவிலிருந்து மீட்டனர். இதில் அபாரமாக செயல்பட்ட சன்னி சந்து அரைசதம் கடந்து அசத்தினார்.
அதேசமயம் ஹரிஹரன் 21 ரன்களுக்கு ஆட்டமிழக்க, மறுபக்கம் அரைசதம் அடித்த சன்னி சந்து 2 பவுண்டரி, 4 சிக்சர்கள் என 57 ரன்களைச் சேர்த்த் ஆட்டமிழந்தார். இதனால் நிர்ணயிக்கப்பட்ட 20 ஓவர்கள் முடிவில் சேலம் ஸ்பார்ட்டன்ஸ் அணி 6 விக்கெட் இழப்பிற்கு 160 ரன்களைச் சேர்த்தது.
Win Big, Make Your Cricket Tales Now
