இந்த போட்டியில் நாங்கள் சிறப்பாக பேட்டிங் செய்யவில்லை - நஜ்முல் ஹொசைன் சாண்டோ!
ஷாகிப் அல் ஹசனுக்கு காயம் ஏற்பட்டுள்ளது. அவர் ஸ்கேன் பரிசோதனை மேற்கொள்ள சென்றுள்ளார் என வங்கதேச அணியின் நட்சத்திர வீரர் நஜ்முல் ஹொசைன் சாண்டோ தெரிவித்துள்ளார்.
நியூசிலாந்து அணிக்கு இந்த உலகக் கோப்பையில் இது தொடர்ச்சியாக மூன்றாவது வெற்றியாகும். நல்ல ரன் ரேட் உடன் 6 புள்ளிகள் பெற்று தற்பொழுது நியூசிலாந்து அணி புள்ளி பட்டியலில் முதல் இடத்தில் இருக்கிறது. அடுத்து இதே மைதானத்தில் ஆப்கானிஸ்தானை எதிர்கொள்ள இருக்கிறது. இந்தப் போட்டிக்கு நியூசிலாந்து அணியின் கேப்டன் கேன் வில்லியம்சன் திரும்ப வந்தார்.
Trending
நியூசிலாந்து அணிக்கு திரும்ப வந்த ஸ்கேன் வில்லியம்சன் பேட்டிங்கில் 78 ரன்கள் எடுத்து மிகச் சிறப்பான பங்களிப்பை கொடுத்த நிலையில் கையில் ஏற்பட்ட காயம் காரணமாக அவர் பெவிலியனுக்கு திரும்பினார். மேற்கொண்டு களத்தில் நின்ற டேரில் மிட்சல் அதிரடியாக 67 பந்துகளில் 89 ரன்கள் எடுத்து அணியின் வெற்றியை உறுதி செய்து அசத்தினார்.
இந்நிலையில் இந்த போட்டி முடிந்து தாங்கள் அடைந்த தோல்வி குறித்து பேசிய வங்கதேச அணியின் இளம் நட்சத்திர வீரரான நஜ்முல் ஷாண்டோ கூறுகையில், "ஷாகிப் அல் ஹசனுக்கு காயம் ஏற்பட்டுள்ளது. அவர் ஸ்கேன் பரிசோதனை மேற்கொள்ள சென்றுள்ளார். அந்த ஸ்கேன் பரிசோதனைக்கு பிறகே அவரது நிலைமை குறித்து தெரிய வரும்.
இந்த போட்டியில் நாங்கள் சிறப்பாக பேட்டிங் செய்யவில்லை. அதோடு துவக்கமும் எங்களுக்கு சரியாக அமையவில்லை. கடந்த போட்டியை விட இந்த போட்டியின் முதல் 10-15 ஓவர்களில் நாங்கள் மிகவும் மோசமான ஆட்டத்தை வெளிப்படுத்தினோம். இந்த மைதானம் பேட்டிங்கிற்கு மிகவும் சாதகமாகவே இருந்தது. அதிலும் குறிப்பாக புதுப்பந்தில் நன்றாக பவுன்ஸ் ஆகி வந்தது.
ஆனாலும் நாங்கள் பேட்டிங்கில் பொறுப்பாக ஆட தவறிவிட்டோம். முதல் 10-15 ஓவர்களை சரியாக விளையாடியிருந்தால் நன்றாக இருந்திருக்கும். இந்த போட்டியில் எங்களது பந்துவீச்சாளர்கள் மிகச் சிறப்பான பந்துவீச்சை வெளிப்படுத்தினர். ஆனால் பேட்டிங்கில் நாங்கள் சொதப்பியதாலே இந்த தோல்வியை சந்தித்தோம்” என தெரிவித்துள்ளார்.
Win Big, Make Your Cricket Tales Now
