டி20 கிரிக்கெட்டில் புதிய மைல் கல்லை எட்டிய டிரென்ட் போல்ட்!
டி20 கிரிக்கெட்டில் 300 விக்கெட்டுகளை வீழ்த்திய மூன்றாவது நியூசிலாந்து வீரர் எனும் சாதனையை வேகப்பந்து வீச்சாளர் டிரென்ட் போல்ட் படைத்துள்ளார்.
இந்த வெற்றியின் மூலம் மும்பை இந்தியன்ஸ் அணியானது நடப்பு ஐபிஎல் தொடரில் 7ஆவது வெற்றியைப் பதிவுசெய்ததுடன் புள்ளிப்பட்டியலின் முதலிடத்திற்கு முன்னேறி அசத்தியுள்ளது. அதேசமயம் இந்த தோல்வி மூலம் ராஜஸ்தான் ராயல்ஸ் அணி பிளே ஆஃப் சுற்றுக்கான வாய்ப்பில் இருந்து வெளியேறியுள்ளது. இந்நிலையில் இப்போட்டியின் மூலம் மும்பை இந்தியன்ஸின் வேகப்பந்து வீச்சாளர் டிரென்ட் போல்ட் சிறப்பு சாதனை படைத்துள்ளார்.
அதன்படி இப்போட்டியில் அபாரமான பந்துவீச்சை வெளிப்படுத்திய டிரென்ட் போல்ட் 2.1 ஓவர்களை மட்டுமே வீசிய நிலையில் 3 விக்கெட்டுகளை கைப்பற்றி அசத்தினார். இதன்மூலம் டி20 கிரிக்கெட்டில் டிரென்ட் போல்ட் தனது 300ஆவது விக்கெட்டுகளையும் பூர்த்தி செய்து அசத்தியுள்ளார். மேற்கொண்டு டி20 கிரிக்கெட்டில் 300 விக்கெட்டுகளை வீழ்த்திய மூன்றாவது நியூசிலாந்து வீரர் எனும் சாதனையை வேகப்பந்து வீச்சாளர் டிரென்ட் போல்ட் படைத்துள்ளார்.
முன்னதாக நியூசிலாந்து அணியின் முன்னாள் ஜாம்பவான் டிம் சௌதீ 343 டி20 போட்டிகளில் 285 இன்னிங்ஸில் விளையாடி 343 விக்கெட்டுகளை வீழ்த்தி இந்த பட்டியலில் முதலிடத்தில் உள்ளார். அதேசயம் நியூசிலாந்தின் இஷ் சோதி 288 போட்டிகளில் 278 இன்னிங்ஸில் விளையாடி 310 விக்கெட்டுகளை வீழ்த்தி இரண்டாம் இடத்தில் உள்ள நிலையில், டிரென்ட் போல்ட் 257 போட்டிகளில் 255 இன்னிங்ஸ்களில் விளையாடி 302 விக்கெட்டுகளை வீழ்த்தி மூன்றாம் இடத்தில் உள்ளார் என்பது குறிப்பிடத்த்க்கது .
இப்போட்டி குறித்து பேசினால் டாஸை இழந்து முதலில் பேட்டிங் செய்த மும்பை இந்தியன்ஸ் அணியில் ரியன் ரிக்கெல்டன் 61 ரன்னிலும், ரோஹித் சர்மா 53 ரன்னிலும் என விக்கெட்டை இழந்தனர். இருப்பினும் இறுதிவரை ஆட்டமிழக்காமல் இருந்த கேப்டன் ஹர்திக் பாண்டியா மற்றும் சூர்யகுமார் யாதவ் தலா 48 ரன்களைச் சேர்த்து அணிக்கு தேவையான ஃபினிஷிங்கைக் கொடுத்தனர். இதன்மூலம் மும்பை இந்தியன்ஸ் அணி 20 ஓவர்கள் முடிவில் 2 விக்கெட்டுகளை மட்டுமே இழந்து 217 ரன்களைச் சேர்த்தது.
Also Read: LIVE Cricket Score
பின்னர் இலக்கை நோக்கி விளையாடிய ராஜஸ்தான் ராயல்ஸ் அணி வீரர்கள் அடுத்தடுத்து விக்கெட்டுகளை இழந்து ஏமாற்றமளித்தனர். இதனால் ராஜஸ்தான் ராயல்ஸ் அணி 16.1 ஓவர்களில் அனைத்து விக்கெட்டுகளையும் இழந்து 117 ரன்களுக்கு ஆல் அவுட்டானது. மும்பை தரப்பில் கரண் சர்மா மற்றும் டிரென்ட் போல்ட் தலா 3 விக்கெட்டுகளை வீழ்த்தினர். இதன்மூலம் மும்பை இந்தியன்ஸ் அணி 100 ரன்கள் வித்தியாசத்தில் ராஜஸ்தான் ராயல்ஸை வீழ்த்தி புள்ளிப்பட்டியலின் முதலிடத்திற்கும் முன்னேறியுள்ளது.
Win Big, Make Your Cricket Tales Now
