டி20 உலகக்கோப்பை: விராட் கோலியுடன் ஆலோசனையில் இறங்கிய பிசிசிஐ!
டி20 உலகக் கோப்பை கிரிக்கெட் போட்டி நெருங்கி வரும் நிலையில், அதுதொடா்பாக இந்திய கேப்டன் விராட் கோலி - பிசிசிஐ உயா்நிலை அலுவலர்கள் ஆலோசனையில் ஈடுபட்டு வருகின்றனர்.
உலகக் கோப்பை போட்டிக்கு கொஞ்ச காலமே இருக்கும் நிலையில், ஐபிஎல் போட்டியை தவிா்த்து இந்திய அணி வீரர்கள் வேறு எந்தவொரு போட்டிகளும் இல்லாததால் உலகக் கோப்பைக்கான தயாா் நிலை குறித்து ஆலோசிக்கப்பட்டதாக பிசிசிஐ வட்டாரங்கள் கூறின.
Trending
கோலியின் தலைமையிலான இந்திய அணி 2017 சாம்பியன்ஸ் டிராபி இறுதி ஆட்டத்திலும், 2019 உலகக் கோப்பை போட்டியின் அரையிறுதியிலும், இந்த ஆண்டு நடைபெற்ற உலக டெஸ்ட் சாம்பியன்ஷிப் போட்டியின் இறுதி ஆட்டத்திலும் தோல்வி கண்டுள்ளது. ஐசிசியின் போட்டிகளில் அரையிறுதி மற்றும் இறுதி ஆட்டங்களில் வெற்றியை பதிவு செய்ய முடியாத நிலை காணப்படுவது, இந்திய அணிக்கு கவலையை ஏற்படுத்தும் விவகாரமாக உள்ளது.
ஐசிசியின் கடந்த சில போட்டிகளில் எந்த மாதிரியான வரிசையை களமிறக்குவது என்பதில் இந்திய அணி நிா்வாகம் தடுமாற்றத்துடன் இருந்தது. தோனி, ரிஷப் பந்த், தினேஷ் காா்த்திக் என சிறந்த விக்கெட் கீப்பா்-பேட்ஸ்மேன்கள் இருந்தும், 50 ஓவா் உலகக் கோப்பை போட்டியில் மிடில் ஆா்டரை சரியாக பூா்த்தி செய்ய இயலாமல் போனது.
இந்த டி20 உலகக் கோப்பை போட்டிக்கான அணித் தோ்வு விரைவில் நடைபெற இருக்கும் நிலையில், பந்துவீச்சாளர்களுக்கு இருக்கும் பணிச்சுமை, ஆல்-ரவுண்டா்கள், சுழற்பந்துவீச்சாளா்கள், இவா்களுக்கெல்லாம் மாற்று வீரா்கள் ஆகியவை குறித்து அணி நிா்வாகம் தகுந்த முடிவெடுக்க வேண்டியுள்ளது. ஏனெனில், டி20-ல் சிறந்து விளங்கும் இங்கிலாந்து, வெஸ்ட் இண்டீஸ் போன்ற அணிகளுக்கு சவால் அளிக்கும் விதமாக அந்த அணி இருக்க வேண்டும்.
அதற்குத் தகுந்த அணியை கேப்டன் கோலி, தேசிய தோ்வாளா்கள் குழு தலைவா் சேத்தன் சா்மா ஆகியோா் இணைந்து விரைவில் தோ்வு செய்ய வேண்டும் என பிசிசிஐ எதிா்பாா்க்கிறது.
Win Big, Make Your Cricket Tales Now
