சவுத்தாம்ப்டனில் விராட் கோலி நிச்சயம் திணறுவார் - க்ளென் டர்னர்!
சவுத்தாம்ப்டன் மைதானம் ஸ்விங்கிற்கு சாதகமாக இருந்தால் இந்திய கேப்டன் விராட் கோலி நிச்சயம் திணறுவார் என்று நியூசிலாந்து முன்னாள் கேப்டன் க்ளென் டர்னர் கருத்து கூறியுள்ளார்
ஐசிசி உலக டெஸ்ட் சாம்பியன்ஷிப் இறுதிப் போட்டி வரும் ஜூன் 18ஆம் தேதி சவுத்தாம்ப்டனில் நடக்கிறது. இதில் விராட் கோலி தலைமையிலான இந்திய அணியும், கேன் வில்லியம்சன் தலைமையிலான நியூசிலாந்து அணியும் மோதுகின்றன. இரு அணிகளும் சம பலம் வாய்ந்த அணிகள் என்பதால் இப்போட்டி மிகக் கடுமையாக இருக்கும் என எதிர்பார்ப்புகள் அதிகரித்துள்ளன.
இந்திய அணி வெற்றி பெற வேண்டுமென்றால், விராட் கோலி, ரோஹித் சர்மா ஆகிய இருவரும் சிறப்பாக ஆடியாக வேண்டும். மயன்க் அகர்வால், புஜாரா, ரஹானே, ரிஷப் பண்ட் ஆகிய சிறந்த வீரர்களும் சிறப்பான ஆட்டத்தை வெளிப்படுத்தினால் மட்டுமே இப்போட்டியில் வெற்றி பெற முடியும்.
Trending
இன்னிலையில் சவுத்தாம்ப்டன் மைதானம் ஸ்விங்கிற்கு சாதகமாக இருந்தால் இந்திய கேப்டன் விராட் கோலி நிச்சயம் திணறுவார் என்று நியூசிலாந்து முன்னாள் கேப்டன் க்ளென் டர்னர் கருத்து கூறியுள்ளார்.
இதுகுறித்து பேசிய க்ளென் டர்னர், “சவுத்தாம்ப்டன் மைதானம் சீம் & ஸ்விங்கிற்கு சாதகமாக இருந்தால் விராட் கோலி நிச்சயம் திணறுவார். நியூசிலாந்தில் விராட் கோலி மற்றும் இந்திய வீரர்கள் திணறி இருப்பதை பார்த்திருக்கிறோம். இங்கிலாந்து மைதானங்கள் கிட்டத்தட்ட நியூசிலாந்து மைதானங்களைப் போன்று இருக்கும். டெஸ்ட் சாம்பியன்ஷிப் இறுதிப் போட்டியில் மைதானம் முக்கிய பங்காற்றும்” என்று தெரிவித்துள்ளார்.
Win Big, Make Your Cricket Tales Now
