ஆஷஸ் தொடர்: இரண்டாவது போட்டியில் வார்னர், ஹசில்வுட் விளையாடுவது சந்தேகம்!
இங்கிலாந்துக்கு எதிரான இரண்டாவது ஆஷஸ் டெஸ்ட் போட்டியில் டேவிட் வார்னர், ஜோஷ் ஹசில்வுட் ஆகியோர் விளையாடுவது சந்தேகமாகியுள்ளது.
இதில் கடந்த 8ஆம் தேதி பிரிஸ்பேனில் தொடங்கிய முதல் டெஸ்ட் போட்டியில் ஆஸ்திரேலிய அணி 9 விக்கெட் வித்தியாசத்தில் இங்கிலாந்தை வீழ்த்தி அபார வெற்றியைப் பெற்றது.
இதையடுத்து இரு அணிகளுக்கும் இடையேயான இரண்டாவது டெஸ்ட் போட்டி அடிலெய்டில் வருகிற 16ஆம் தேதி தொடங்குகிறது.
இந்நிலையில், இரு அணிகளுக்கும் இடையேயான முதல் டெஸ்ட் போட்டியின் போது ஆஸ்திரேலியாவின் நட்சத்திர வீரர்கள் டேவிட் வார்னர், ஜோஷ் ஹசில்வுட் ஆகியோர் காயமடைந்தனர்.
இதனால் நான்காம் நாள் ஆட்டத்தின் போது இருவரும் பீல்டிங் செய்ய வரவில்லை, மேலும் இரண்டாவது இன்னிங்ஸில் வார்னர் பேட்டிங் செய்யவும் இல்லை.
இதன் காரணமாக அடிலெய்டில் நடைபெறும் இரண்டாவது டெஸ்ட் போட்டியில் இவர்கள் இடம்பெறுவார்களா என்ற கேள்வி எழுந்துள்ளது.
Win Big, Make Your Cricket Tales Now
